ຕ້ອງອ່ານໃຫ້ຮູ້!..​ຫ້າມດຶງຜ້າອັດປາກ-ດັງໄວ້ກ້ອງຄາງ ອາດສ່ຽງຕິດເຊື້ອໄວຣັສ ຫຼື ໂຄວິດ-19 ບໍ່ຮູ້ຕົວ

0
249

ກະຊວງສາທາລະນະສຸກຕ່າງປະເທດໄດ້ມີການໂພສຮູບອິນໂຟກຣາຟິກ ພ້ອມອະທິບາຍວ່າ ບໍ່ຄວນດຶງໜ້າກາກມາໄວ້ກ້ອງຄາງ ເພາະສ່ຽງເຮັດໃຫ້ຮ່າງກາຍຮັບເຊື້ອໄວຣັສອື່ນໆ ລວມເຖິງໂຄວິດ-19 ເຂົ້າສູ່ຮ່າງກາຍໄດ້.

1. ເປັນຫຍັງເຖິງຫ້າມດຶງໜ້າກາກອະນາໄມມາໄວ້ກ້ອງຄາງ?

ຕາມປົກກະຕິແລ້ວໃນການໃຊ້ຊີວິດປະຈຳວັນວ່າຂອງເຮົາໃນຊ່ວງນີ້ທີ່ຕ້ອງໃສ່ໜ້າກາກອະນາໄມຕະຫຼອດເວລາ ເພື່ອປ້ອງກັນການຕິດເຊື້ອພະຍາດໂຄວິດ-19 ອາດມີບາງຊ່ວງບາງຈັງຫວະທີ່ເຮົາຈະຕ້ອງເອົາໜ້າກາກອອກຈາກໜ້າ ເຊັ່ນ: ດື່ມນ້ຳ, ກິນອາຫານ, ເຊັດໜ້າ ຫຼື ຕ້ອງການເວົ້າໃຫ້ໄດ້ຍິນຊັດເຈນ ແຕ່ການດຶງໜ້າກາກລົງມາໄວ້ກ້ອງຄາງອາດບໍ່ແມ່ນວິທີທີ່ຖືກຕ້ອງ.

ການດຶງໜ້າກາກລົງມາໄວ້ກ້ອງຄາງ ເປັນການກະທຳທີ່ອາດສ່ຽງເຮັດໃຫ້ຮ່າງກາຍໄດ້ຮັບເຊື້ອໄວຣັສຢ່າງບໍ່ຮູ້ໂຕໄດ້ ເນື່ອງຈາກບໍລິເວນກ້ອງຄາງບໍ່ໄດ້ເປັນຈຸດທີ່ປ້ອງກັນເຊື້ອພະຍາດມາຕະຫຼອດໝົດມື້ ແລະ ເປັນຈຸດທີ່ຮັບເຊື້ອພະຍາດຕ່າງໆ ຈາກລົມຫາຍໃຈ ແລະ ສະພາບແວດລ້ອມຮອບໂຕ ຫາກດຶງໜ້າກາກລົງມາໄວ້ກ້ອງຄາງ

ສ່ວນຂອງດ້ານໃນຂອງໜ້າກາກກໍ່ຈະປົນເປື້ອນເຊື້ອພະຍາດ ແລະ ເມື່ອດຶງໜ້າກາກກັບມາສວມໃສ່ໜ້າ ແລະ ດັງໃໝ່ອີກຄັ້ງ ເຮົາກໍ່ຈະສຳຜັດກັບເຊື້ອພະຍາດຜ່ານດ້ານໃນໜ້າກາກ ເຊື້ອໄວຣັສໂຄໂຣນາ ຫຼື ໂຄວິດ-19 ສາມາດເຂົ້າສູ່ຮ່າງກາຍຜ່ານດັງ ແລະ ປາກໄດ້ອີກຄັ້ງ.

2. ວິທີຫຼຸດການປົນເປື້ອນຂອງໜ້າກາກອະນາໄມລະຫວ່າງວັນ

ຫາກມີຄວາມຈຳເປັນຕ້ອງຖອດໜ້າກາກອະນາໄມເຂົ້າໆ ອອກໆ ລະຫວ່າງວັນ ຄວນນຳເອົາຖົງໄວ້ໃສ່ໜ້າກາກແຍກຕ່າງຫາກ ເວລາກິນອາຫານ ຫຼື ດື່ມເຄື່ອງດື່ມຕ່າງໆ ຄວນຖອດໜ້າກາກອອກຈາກໜ້າໄປເລີຍ ແລ້ວແຍກໜ້າກາກໃສ່ໃນຖົງທີ່ກຽມແຍກເອົາໄວ້ຈະດີີທີ່ສຸດ.

ຂໍ້ມູນຈາກ: ຂ່າວເສດຖະກິດ-ການຄ້າ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້