ບົດລາຍງານ ສາເຫດ ແລະ ສະພາບ ການລະເບີດ ຄວາມເສຍຫາຍແລະລາຍຊື່ຜູ້ເສຍຊີວິດຢູ່ ສະຖານທີ່ເກີດເຫດ

0
416

ບົດລາຍງານ ສາເຫດ ແລະ ສະພາບ ການລະເບີດ ຄວາມເສຍຫາຍແລະລາຍຊື່ຜູ້ເສຍຊີວິດຢູ່ ສະຖານທີ່ກວດກາ ຂອງເຈົ້າໜ້າທີ່ພາສີ ດ້ານສາກົນແດນສະຫວັນ ແຂວງສະຫວັນນະເຂດ ໃນວັນພະຫັດ ທີ່ 03 ທັນວາ ທີ່ຜ່ານມາ.

ລາຍງານສະພາບລົດຂົນສົ່ງຫີນກາວອອກ ຫວຽດນາມ ຜ່ານດ່ານສາກົນແດນສະຫວັນ ເກິດ ເຫດລະເບີດຢູ່ສະຖານທີ່ກວດກາຂອງເຈົ້າຫນ້າທີ່ພາສີ.

ຫົວຫນ້າດ່ານສາກົນແດນສະຫວັນ ຂໍຖືເປັນກຽດຮຽນລາຍງານມາຍັງທ່ານເຈົ້າແຂວງໆ ສະຫັວນນະເຂດ ຊາບວ່າ: ໃນເວລາ 8 ໂມງ 20 ນາທີ ຂອງວັນທີ 03/12/2020 ໄດ້ມີລົດຂົນສົ່ງຫີນກາວເກີດມີສຽງແຕກສຽງລະເບີດ ຢູ່ ບໍລິເວນຈຸດກວດກາຂອງເຈົ້າຫນ້າທີ່ພາສີ ສາເຫດ : ໄດ້ມີກໍາມະກອນຜູ້ຊ່ວຍເຈົ້າຫນ້າທີ່ພາສີຈໍານວນ 08 ຄົນໄດ້ພາກັນ ກວດຄົ້ນຫີນກາວ (ເທິງລົດ ໂດຍພາຍໃຕ້ການຊີ້ນໍາທາງດ້ານວິຊາສະເພາະຂອງເຈົ້າຫນ້າທີ່ພາສີ ເຊິ່ງໄດ້ໃຊ້ອຸປະກອນ ປະເພດ ( ເຫຼັກຍາວປະມານ 2,5 ແມັດ ) ໃຊ້ເຫລັກງັກ ແລະ ແທງລົງພຶ້ນຫີນກາວ

ໃນຂະນະທີ່ທໍາການ ງັກ ແລະ ແທງ ເຮັດໃຫ້ມີສຽງແຕກ ແລະ ດັງຂຶ້ນຄ້າຍຄືລະເປີດ ພາໃຫ້ມີຜູ້ເສຍຊີວິດ ແລະ ບາດເຈັບ ດັ່ງລາຍລະອຽດລຸ່ມນີ້ :

# ຜູ້ເສຍຊີວິດມີຢູ່ 3 ຄົນຄື

1.) ທ້າວ ອາລ້ອກ ອາຍຸ 25 ປີ ອາຊີບ ກຳມະກອນ ຜູ້ຊ່ວຍພາສີ ຢູ່ບ້ານແດນສະຫວັນ ເມືອງ ເຊໂປນ ແຂວງ ສະຫວັນນະເຂດ

2.) ທ້າວ ອາວອນ ອານຸ 27 ປີ ອາຊີບ ກໍາມະກອນ ຜູ້ຊ່ວຍນາລີ [ບ້ານແດນສະຫວັນ ເມືອງ ເຊໂປນ ແຂວງສະຫວັນນະເຂດ,

3.) ສໍາລັບຜູ້ທີ່ສາມເປັນເພດຍິງແຕ່ຍັງບໍ່ຮູ້ຊື່ແລະສັນຊາດວ່າເປັນຄົນລາວຫຼືຄົນຫວຽດນາມ, ທັງ ສາມຄົ້ນ ແມ່ນໄດ້ເສຍຊີວິດຄາທີ່

ສໍາລັບຜູ້ຖືກບາດເຈັບ ທັງຫມົດ 8 ຄົນຄື: ຍິງ 1 ຄົນ ໃນນັ້ນມີຄົນລາວ 3 ຄົນ ແລະ ຄົນຫວຽດນາມ 5 ຄົນ ໄດ້ນໍາສົ່ງໂຮງຫມໍເມືອງ ເຊໂປນ 04 ຄົນ ຄົນຫວຽດນາມ 1 ຄົນ ແລະ ສົ່ງໂຮງຫມໍ ຫວຽດນາມ 04 ຄົນ. ສຳລັບຊື່ຜູ້ທີ່ຖືກບາດເຈັບຍັງບໍ່ທັນຮູ້ລາຍລະອຽດ ການຢຽວຢາຜູ້ທີ່ເສຍຊີວິດ ອໍານາດການປົກຄອງເມືອງເຊ ໂປນ, ອໍານາດການປົກຄອງບ້ານ ແລະ ດ່ານສາກົນແດນສະຫວັນ ໄດ້ສົມທົບກັນຄອບຄົວຜູ້ທີ່ເສຍຊິວິດ ໃນການມ້ຽນຊາບສົບຕາມຮິບຄອງປະເພນີ. ສໍາລັບຜົນເສຍຫາຍທາງດ້ານຊັບສິນໃນເບື້ອງຕົ້ນ

1.) ສາງກາງແຈ້ງ ຂອງພາສີ ຈໍານວນ 02 ຫຼັງ

2.) ສາງສໍາລັບ ກວດກາລົດເອັກສະເລ 01 ຫຼັງ

3.) ກ໋ອງການບ່ອນເຮັດວຽດກວດກາ ຂອງເຈົ້າຫນ້າທີ່ພາສີ 01 ຫຼັງ

4) ພາຫະນະຂົນສົ່ງ 01 ຄັນ

5.) ພາຫະນະປະເພດລົດກະບະຂອງລັດ 1 ຄັນ ແລະ ລົດກະບະສ່ວນບຸກຄົນ 01 ຄັນ

ຕໍ່ກັບເຫດການເກີດຂຶ້ນທີ່ພາໃຫ້ ມີຜູ້ໄດ້ຜູ້ບາດເຈັບ ແລະ ເສຍຊີວິດ ເຈົ້າຫນ້າທີ່ອົງການສືບສວນ-ສອບສວນ ກອງບັນຊາການ ປກສ ແຂວງ ເຈົ້າຫນ້າທີ່ອົງການສືບສວນ-ສອບສວນ ກອງບັນຊາການ ປກສ ເມືອງ ເຊໂປນ ແລະ ພາກສ່ວນກ່ຽວຂ້ອງຂອງດ່ານສາກົນແດນສະຫວັນ ກໍເລັ່ງດໍາເນີນ ການສືບສວນ-ສອບສວນ ເກັບກໍາຂໍ້ມູນ ສ່ວນລາຍ ລະອຽດຈະລາຍງານໃຫ້ທ່ານຮັບຊາບ ຕາມພາຍຫຼັງ ດັ່ງນັ້ນ, ຈຶ່ງລາຍງານມາຍັງທ່ານເພື່ອຮັບຊາບ ແລະ ຂໍທິດຊີ້ນໍາໃນການຈັດຕັ້ງປະຕິບັດດ້ວຍ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້