ວິທີ ແລະ ຂັ້ນຕອນ ການເຮັດອ່ອມຊີ້ນ ໃຫ້ແຊບໆ

0
42

ສ່ວນປະກອບການເຮັດອ່ອມຊີ້ນ ໃຫ້ແຊບໆ ມີດັ່ງນີ້

  • ຊີ້ນຕິດເອັນ ຫຼື ເອັນຂານ່ອງໂດຍຊອຍເປັນຕ່ອນພໍດີຄຳ (200 ກຣາມ) 1 ຖ້ວຍ
  • ເຄື່ອງໃນງົວຊອຍເປັນຕ່ອນພໍດີຄຳ (100 ກຣາມ) ເຄິ່ງຖ້ວຍ
  • ຂ່າອ່ອນຊອຍບາງໆໃຫ້ໄດ້ 7 ປ່ຽງ
  • ຫົວສີໄຄຕັດເປັນຕ່ອນ 1 ຕົ້ນ
  • ໃບຂີ້ຫູດ 5 ໃບ
  • ຮາກຫອມປ້ອມ 3 ຮາກ
  • ຫອມເປຊອຍໃຫ້ໄດ້ 2 ບ່ວງ
  • ຫອມປ້ອມຊອຍໃຫ້ໄດ້ 1 ບ່ວງ
  • ຫອມບົ່ວຊອຍໃຫ້ໄດ້ 1 ບ່ວງ
  • ນ້ຳມັນພືດ 1 ບ່ວງ
  • ນ້ຳດື່ມ 2 ຖ້ວຍ
  • ຄະນໍຊຸບກ້ອນໝູ 1 ກ້ອນ
  • ນ້ຳແກງຕຳໃສ່ໝາກເພັດທີ່ຈະເຮັດແກງ
  • ໝາກເຜັດແຫ້ງ 7 ໜ່ວຍ
  • ໝາກເພັດຂີ້ໜູ 4 ໜ່ວຍ
  • ຫົວຜັກບົ່ວ 3 ຫົວ
  • ກະທຽມ 20 ງີມ
  • ຫົວສີໄຄ 1 ບ່ວງ
  • ຫົວຂ່າແກ່ຊອຍໃຫ້ໄດ້ 1 ບ່ວງ
  • ເກືອ 1 ບ່ວງຊາ
  • ກະປິເຄິ່ງບ່ວງ

ວິທີເຮັດ ແລະ ຂັ້ນການເຮັດອ່ອມຊີ້ນ ໃຫ້ແຊບໆ

1. ຕຳໝາກເຜັດແຫ້ງໃສ່ເກືອໃຫ້ລະອຽດແລ້ວໃສ່ກະທຽມ, ຫົວຜັກບົ່ວ, ຂ່າ, ຫົວສີໄຄ ແລະ ກະປິລົງໄປ ຫຼັງຈາກນັ້ນຄົນໃຫ້ເຂົ້າກັນອີກເທື່ອໜຶ່ງ.

2. ນຳເອົາຊີ້ນ ແລະ ເຄື່ອງໃນໄປຕົ້ມຈົນເປື່ອຍ

3. ໃສ່ນ້ຳມັນລົງໄປໃນໝໍ້ໜ້ອຍໜຶ່ງແລ້ວນຳເອົາສ່ວນປະສົມທີ່ຕຳໄວ້ນັ້ນລົງໄປຂົ້ວໃສ່ຈົນມີກິ່ນຫອມແລ້ວນຳເອົາຊີ້ນລົງໄປຂົ້ວໃສ່, ເມື່ອເຂົ້າກັນແລ້ວກໍນຳເອົານ້ຳທີ່ຕົ້ມຊີ້ນນັ້ນລົງໃສ່.

4. ໃສ່ຂ່າ, ຫົວສີໄຄ ແລະ ຄະນໍຊຸບກ້ອນລົງໄປຄົນໃຫ້ລະລາຍ ແລະ ຕົ້ມຊີ້ນຕໍ່ໄປອີກເພື່ອໃຫ້ນ້ຳ ແກງຊຶມເຂົ້າຊີ້ນ.

5. ໃສ່ໃບຂີ້ຫູດລົງໄປແລ້ວປິດໄຟຕັກໃສ່ຖ້ວຍແລ້ວໂຮຍໜ້າດ້ວຍຫອມປ້ອມ, ຫອມເປ ແລະ ຜັກບົ່ວທີ່ຊອຍໄວ້ນັ້ນລົງໃສ່ຫຼັງຈາກນັ້ນຕັກກິນໄດ້ເລີຍ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້