ລັດຖະບານ ແລະ ປະຊາຊົນກຳປູເຈຍ ມອບຜ້າປິດປາກຫຼາຍກວ່າ 2 ລ້ານແຜ່ນ ພ້ອມອຸປະກອນການແພດ ໃຫ້ ສປປ ລາວ ເພື່ອປ້ອງກັນໂຄວິດ-19

0
534

​ຊົມເຊີຍລັດຖະບານ ແລະ ປະຊາຊົນກຳປູເຈຍ ມອບຜ້າປິດປາກຫຼາຍກວ່າ 2 ລ້ານແຜ່ນ ພ້ອມອຸປະກອນການແພດ ໃຫ້ແກ່ ສປປ ລາວ ເພື່ອປ້ອງກັນພະຍາດໂຄວິດ-19​

ພິທີມອບ-ຮັບ ເຄື່ອງຊ່ວຍເຫຼືອອຸປະກອນການແພດ ຈາກລັດຖະບານ ແລະ ປະຊາຊົນ ແຫ່ງ ຣາຊະອານາຈັກກຳປູເຈຍ ໃຫ້ແກ່ ສປປ ລາວ ເພື່ອປ້ອງກັນ ແລະ ຕ້ານພະຍາດໂຄວິດ-19 ໄດ້ຈັດຂຶ້ນໃນຕອນເຊົ້າວັນທີ 16 ພະຈິກ 2020, ທີ່ອາຄານກຽດຕິຍົດ,​ ສະໜາມບິນສາກົນວັດໄຕ,​ ນະຄອນຫຼວງວຽງຈັນ ມອບໂດຍ ສົມເດັດ ປີໄຈ ເສນາເຕຍບັນ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ຣາຊະອາຈັກກຳປູເຈຍ ແລະ ຮັບ ໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ,​ ມີບັນດາທ່ານລັດຖະມົນຕີກະຊວງກ່ຽວຂ້ອງ ພ້ອມການນຳທັງສອງຝ່າຍເຂົ້າຮ່ວມເປັນສັກຂີພິຍານ.

ເຄື່ອງຊ່ວຍເຫຼືອຈາກລັດຖະບານ ແລະ ປະຊາຊົນ ແຫ່ງຣາຊະອານາຈັກກໍາປູເຈຍ ມອບໃຫ້ແກ່ ລັດຖະບານ ແລະ ປະຊາຊົນລາວ ປະກອບມີ ຜ້າອັດປາກ ຈຳນວນ 2.100.000 ແຜ່ນ, ເຄື່ອງຊ່ວຍຫາຍໃຈ, ເຄື່ອງວັດແທກອຸນຫະພູມ ແລະ ເຄື່ອງມືການແພດທີ່ຈຳເປັນອີກຈຳນວນໜຶ່ງ ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ ສປປ ລາວ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້