ຄົ້ນພົບນ້ຳ ເທິງດາວເຄາະນອກລະບົບສຸຣິຍະເປັນຄັ້ງທຳອິດ

0
240

ທີມນັກວິທະຍາສາດອັງກິດ ຄົ້ນພົບນ້ຳເທິງດາວເຄາະນອກລະບົບສຸຣິຍະເປັນເທື່ອທຳອິດ ຈຸດໄຟແຫ່ງຄວາມຫວັງເທື່ອໃໝ່ ແຫ່ງມວນມະນຸດ ວ່າດ້ວຍການຄົ້ນຫາດາວເຄາະດວງໃໝ່ ທີ່ເໝາະກັບການດຳລົງຊີບຂອງມະນຸດ

ທີມນັກວິໄຈຈາກ University College London ອອກຖະແຫລງຂ່າວເມື່ອ ວັນພຸດ ວ່າຄົ້ນພົບໄອນ້ຳໃນອາກາດຂອງດາວເຄາະ K2-18b ເຊິ່ງທີມນັກວິທະຍາສາດເອີ້ນກັນວ່າ Super Earth ຫ່າງອອກໄປຈາກໂລກປະມານ 110 ປີແສງ ແລະ ມີອຸນຫະພູມເໝາະສົມຕໍ່ສິ່ງມີຊີວິດ

ປັດຈຸບັນ ມີການຄົ້ນພົບດາວເຄາະນອກລະບົບສຸຣິຍະຫລາຍກວ່າ 4,000 ດວງ ແຕ່ນັກວິທະຍາສາດຢືນຢັນວ່າມີດາວເຄາະ K2-18b ພຽງດວງດຽວເທົ່ານັ້ນທີ່ພົບນ້ຳ ພື້ນຜິວສູງໂນນ ແລະ ສະພາບອາກາດທີ່ຈຳເປັນຕໍ່ສິ່ງມີຊີວິດໃກ້ຄຽງກັບໂລກ ແຕກຕ່າງກັນພຽງແຕ່ດາວເຄາະ K2-18b ມີຂະໜາດໃຫຍ່ເປັນ 2 ເທົ່າຂອງໂລກ

ດາວເຄຣາະ K2-18b ຖືກຄົ້ນພົບໂດຍອົງການ ນາຊ່າ ເມື່ອປີ ຄ.ສ. 2015 ແຕ່ການຄົ້ນພົບລ່າສຸດໂດຍ ທີມນັກວິໄຈຈາກ University College London ຊ່ວຍເຮັດໃຫ້ມະນຸດເຂົ້າໃກ້ຄຳຕອບທີ່ວ່າ “ໂລກລັກສະນະແບບນີ້ມີພຽງໜຶ່ງດຽວໃນຈັກກະວານ ຫລື ບໍ່?”

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້