ຄອບຄົວເກືອບພັງທະລາຍເພາະຄຳວ່າຫຼີ້ນຊື່ໆຂອງຜູ້ຊາຍຍ້ອນຖືມູນ…(ເລື່ອງເລົ່າຊິວີດຈີງ)

0
853

ສະບາຍດີ ຜົວຂອງຂ້ອຍກາຍເປັນຂອງຄົນອື່ນຍ້ອນຖືກຂອງ ຄອບຄົວຄວາມຝັນແລະທຸກໆຢ່າງມັນພັງທະລາຍໄປພຽງຄຳວ່າຫຼິ້ນຊື່ໆ ຜົວຂ້ອຍເຮັດວຽກຢູ່ດ່ານພາສີສ່ວນຂ້ອຍເປັນພະຍາບານ ຜົວທີ່ແສນດີອົບອຸ່ນມີເວລາໃຫ້ແລະໃຫ້ເງິນເມຍທຸກເດືອນ ຮັກລູກຮັກເມຍ ແຕ່ດ້ວຍຄວາມຫ່າງໄກກັນ ຈາກຜົວທີ່ແສນດີ ກໍ່ກາຍເປັນຄົນລະຄົນ ຈາກທີ່ທຸກເທືອທີ່ພັກຜົວຈະກັບມາເຮືອນທຸກຄັ້ງພ້ອມຊື້ກຸ້ງປາໝຶກ… ແຕ່ເວລາຜ່ານໄປຄວາມຮູ້ສຶກເລີ່ມແປກເລີ່ມຮູ້ສຶກວ່າຜົວປ່ຽນໄປ ເລີຍໂທໃຫ້ຄົນຮູ້ຈັກຮັກແພງສືບໃຫ້ແລະໄດ້ຮູ້ວ່າຜົວເຮົາມີຜູ້ສາວນ້ອຍ

ຕອນນັ້ນນຳ້ຕາໄຫຼແບບບໍ່ຮູ້ໂຕອຸກອັ່ງຮ້ອນຫຸ້ມຢູ່ໃນອົກບໍ່ຢາກເຊື່ອວ່າຜົວຈະເຮັດແບບນີ້ ຄອບຄົວທີ່ສົມບູນມີລົດມີເຮືອນແລະລູກສອງຄົນທີ່ກຳລັງໜ້າຮັກຫຼັງຈາກນັ້ນຂ້ອຍກໍ່ພະຍາຍາມໂທລົມກັບຜົວເຕັມທີ່ຕະຫຼອດເວລາທີ່ມີໂອກາດໂທແບບເຫັນໜ້າ …ເພື່ອບໍ່ໃຫ້ຜົວມີໂອກາດລັກໄປ ແຕ່ບໍ່ເປັນຜົນ ທິດນັ້ນຜົວໄດ້ກັບມາເຮືອນແລະຂ້ອຍໄດ້ລັກເບິ່ງໂທລະສັບເຫັນແຊັດເຫັນຮູບທີ່ກອດກັນ…

ເລີຍເກີດປາກສຽງກັນພ້ອມນ້ຳຕາທີ່ມັນໄຫຼຫົວໃຈທີແສນເຈັບ ເຈັບບໍ່ມີແນວບັນຍາຍ ຄຳຕອບຂອງຜົວຄືຂໍໂທດຫຼິ້ນຊື່ໆຂ້ອຍຮັກເຈົ້າເລືອກເຈົ້າແລະລູກ.. ຂ້ອຍໃຫ້ອະໄພແລະປ່ຽນໂທສັບພ້ອມເບີກັນໃຊ້ ຫຼັງຈາກນັ້ນຜົວກໍ່ໄປວຽກອີກຕາມເຄີຍ ຜູ້ຍິງຄົນນັ້ນກໍ່ແຊັດມາ ແລະໄດ້ມີການໂຕ້ຕອບໄປວ່າຂ້ອຍຄືເມຍເຈົ້າຢ່າມາວຸ້ນວາຍແລະແຊັດມາຫາອີກຜູ້ຊາຍຄົນນີ້ມີເມຍມີຄອບຄົວແລ້ວ

ຜົວຂ້ອຍກໍ່ກັບມາເຮືອນປົກກະຕິທຸກວັນເສົາແລະອາທິດ ແຕ່ຫຼັງຈາກນັ້ນພຽງສາມອາທິດ ຜົວກໍ່ປ່ຽນໄປບໍ່ກັບມາໂທຫາບໍຮັບບາງເທື່ອກໍ່ຕິດຕໍ່ບໍ່ໄດ້ ຂ້ອຍບໍມີທາງເລືອກຈຶ່ງໄດ້ບອກພໍ່ແມ່ແລະປູ່ຍ່າ ສຸດທ້າຍຜົວກໍ່ມາເວົ້າກັນ ແຕ່ຜົວຂ້ອຍເລືອກທີ່ຢາກຢ່າຮ້າງແລະບໍ່ເອົາຫຍັງທັງລູກເເລະເຮືອນຂໍພຽງລົດ ວິນາທີນັ້ນຂ້ອຍເຫຼືອໃຈຈົນເວົ້າບໍ່ອອກແຕ່ແນມເບິ່ງໜ້າຜົວຄືຄົນລະຄົນ

ເເສນເຈັບປວດເສຍໃຈເສຍຄວາມຮູ້ສຶກແລະເຈັບອັນໃດກໍ່ບໍ່ເທົ່າເຈັບຜົວນອກໃຈໄປມີຄົນອື່ນ ໃນການເວົ້າແລະໂອ້ລົມຄັ້ງນີ້ຜູ້ໃຫ່ຍເລີຍໃຫ້ຫ່າງກັນ3ເດືອນເພື່ອທີ່ຈະໃຫ້ໂອກາດກັນໄດ້ຄິດ ໃນໄລຍະເວລານີ້ຜົວບໍ່ເຄີຍໂທມາລູກໄຂ້ກໍ່ບໍ່ສົນໃຈ ຄວາມທຸກຂ້ອຍຫາແນວປຽບບໍ່ໃດ້ຂ້ອຍຕ້ອງເຂັ້ມແຂງເພືອລູກແລະຕ້ອງທຳໃຈໄປວຽກປົກກະຕິ ຈົນໝູ່ໃນບ່ອນເຮັດວຽກນຳກັນແນະນຳ ໃຫ້ໄປເບິ່ງດວງຂ້ອຍຕັດສິນໃຈໄປ ແລະສິ່ງນີ້ຄືທາງອອກ ເບິ່ງດວງແລ້ວເພິ່ນບອກວ່າຜົວເຈົ້າຖືກຂອງຕ່ຳຂອງເປື້ອນຖ້າເຈົ້າໄປແກ້ເຈົ້າຈະໄດ້ຜົວເຈົ້າຄືນມາ

ໃນວິນາທີນັ້ນຂ້ອຍບໍ່ເຊື່ອເພາະຜູ້ຍິງທີ່ຜົວຂ້ອຍຫຼິ້ນເປັນຄົນງາມ ຜົວຄົງຈະມັກຄວາມງາມຂອງຜູ້ຍິງຄົນນັ້ນ ຂ້ອຍກັບມາເຮືອນພ້ອມນອນຄິດວ່າຈະຍອມປ່ອຍຜົວໄປແລ້ວລ້ຽງລູກຄົນດຽວ ຫຼືຈະລອງສູ້ຕໍ່ ຄຳຕອບທີ່ມາສະກິດໃຈຄື ຂ້ອຍຈະຂໍສູ້ອີກຄັ້ງຂ້ອຍເລີຍຕັດສິນໃຈໄປເເກ້ຕາມທີ່ເບິ່ງມາຫຼັງຈາກນັ້ນພຽງ5ວັນສຽງໂທສັບຂ້ອຍດັງແລະສາຍນັ້ນຄືຜົວຂ້ອຍເອງໂທມາຫາຫຼັງຈາກທີ່ບໍ່ໄດ້ໂທມາເປັນເດືອນ ຂ້ອຍຮັບສາຍພ້ອມໄດ້ຍິນຄຳເວົ້າຂອງຜົວວາມື້ອື່ນຈະມາຫາ ຂ້ອຍຍິ້ມທັງນຳ້ຕາດ້ວຍຄວາມດີໃຈ

ຫຼັງຈາກທີ່ລາວກັບມາລາວກໍ່ປົກກະຕິຊວນພາລູກໄປໄອເຕັກ ໄປສະລອຍນຳ້ … ໄປວຽກແລະກັບມາທຸກວັນພັກ ຜ່ານໄປສອງທິດຂ້ອຍຕັດສິນໃຈຖາມຜົວໂຕເອງວ່າເຫດການເປັນແບບໃດ ຄຳຕອບທີ່ໄດ້ຈາກຜົວຄື ຕອນນັ້ນພຽງຄິດຢາກລົມຫຼິ້ນໆ ແລະຂ້ອຍພ້ອມເວົ້າໃຫ້ຜົວຟັງວ່າເຫດການນີ້ຜົວຖືກຜູ້ຍິງຄົນນັ້ນເອົາອັນຕ່ຳເປື້ອນໃຫ້ເຈົ້າກິນ ຜົວຂ້ອຍໂອບກອດຂ້ອຍພ້ອມຄຳເວົ້າທີວ່າຂໍໂທດຕໍ່ໄປຈະບໍ່ໃຫ້ເກີດເຫດການແບບນີ້ແລະຈະຈົດຈຳມັນໄປຮອດມື້ຕາຍບໍ່ຄາດຄິດວາຜູ້ຍິງງາມໆຈະເຮັດແບບນີ້

ປະຈຸບັນຂ້ອຍແລະຜົວກໍ່ມີຄວາມສຸກແລະຮັກແພງກັນດີ ຂ້ອຍຢາກຝາກເຕືອນຜູ້ຊາຍທຸກຄົນຄຳວ່າຫລິ້ນຊື່ໆຂອງເຈົ້າອາດຈະເຮັດໃຫ້ອີກຊີວິດໜຶ່ງເຈັບປວດທໍລະມານພຽງໃດ ຖ້າຕັດສີນໃຈແຕ່ງງານກໍ່ຂໍໃຫ້ຈົ່ງຮັກສາຄອບຄົວທີ່ມີໃຫ້ມັນມີແຕ່ຄວາມສຸກບໍ່ມີໃຜຈະຮັກເຈົ້າເທົ່າກັບຄອບຄົວ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້