ແຈ້ງເຕືອນ ພາຍຸໝຸນເຂດຮ້ອນ Goni ແຕ່ວັນທີ 05-06 ພະຈິກ 2020

0
319

ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາ ກອນທໍາມະຊາດ ແລະ ສິ່ງແວດລ້ອມ ໄດ້ອອກແຈ້ງເຕືອນໄພ ສະບັບເລກທີ 1436/ກອຕທ ກ່ຽວກັບພາຍຸຫມຸນເຂດຮ້ອນ (Goni) ແຕ່ໄລຍະວັນທີ 05 ຫາ 06 ພະຈິກ 2020.ພາຍຸຫມຸນເຂດຮ້ອນ (Goni) ຫົວທີ 9 ປະຈໍາປີ 2020 ໃນເຂດດ້ານຕາເວັນຕົກຂອງມະຫາສະໝຸດປາຊີຟິກຕອນເໜືອ, ຊຶ່ງໃນເວລາ 08 ໂມງ ຂອງ ວັນທີ 03 ພະຈິກ 2020 ມີຈຸດສູນກາງຢູ່ເສັ້ນຂະໜານທີ 14,9 ອົງສາເໜືອ ແລະ ເສັ້ນແວງທີ່ 115,3 ອົງສາຕາເວັນອອກ

ພວມເຄື່ອນທີ່ມາທາງ ທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງ, ຄາດຄະເນພາຍຸຫົວນີ້ ຈະເຄື່ອນຂຶ້ນຝັ່ງ ພາກກາງຕອນລຸ່ມຂອງປະເທດ ສສ ຫວຽດນາມ ໃນວັນທີ 5 ຫາ 6 ພະຈິກ 2020 ແລະ ສືບຕໍ່ອ່ອນກໍາລັງລົງເປັນພາຍຸດີເປຊັ້ນ ເຄື່ອນທີ່ຜ່ານແຂວງອັດຕະປື ແລະ ຈໍາປາສັກ, ຊຶ່ງຈະ

ເຮັດໃຫ້ມີຝົນ ຕົກໃນລະດັບປານກາງ ຫາ ໜັກ ແລະ ມີລົມພັດແຮງ ຢູ່ບາງທ້ອງຖີ່ນ.ດັ່ງນັ້ນ, ກົມອຸຕຸນິຍົມ ແລະ ອຸທົກກະສາດ ຈຶ່ງຂໍແຈ້ງເຕືອນເຖິງປະຊາຊົນ ແລະ ອົງການປົກ ຄອງທ້ອງຖິ່ນ ທຸກພາກສ່ວນທີ່ອາໄສຢູ່ແຂວງ ພາກໃຕ້ ເຊັ່ນ: ແຂວງສາລະວັນ, ເຊກອງ, ຈໍາປາສັກ ແລະ ແຂວງອັດຕະປື ຈົ່ງມີສະຕິລະມັດລະວັງຕໍ່ສະພາບຝົນຕົກຫນັກ ແລະ ລົມພັດແຮງ, ນ້ຳຖ້ວມຊຸ, ນ້ຳຖ້ວມອັ່ງ ແລະ ພ້ອມນີ້ ໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະ ສາດເປັນປະຈໍາ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້