ສູດຢາພື້ນເມືອງ ປົວພະຍາດປະດົງຄໍ້ ດ້ວຍໃບໝາກຍົມສົ້ມ ແລະ ໃບໝາກຍໍ

0
856

ຫຼາຍຄົນ ອາດຄິດບໍ່ເຖິງວ່າ ສະໝຸນໄພໃກ້ໂຕເຮົາສາມາດປິ່ນປົວພະຍາດຕ່າງໆໄດ້ ແລະ ຊອກຫາໄດ້ງ່າຍ ເປັນຕົ້ນແມ່ນໃບ ໝາກຍົມ ແລະ ໃບໝາກຍໍ ທີ່ມີສັບພະຄຸນເປັນຢາປົວໂຣກປະດົງ. ທ່ານ ຈັນ( ໄດ້ໃຊ້ສູດນີ້ຈາກຄຳແນະນຳຈາກ ທ່ານ ສິງຄຳ ອາລຸນ) ອາຊີບ ປະຊາຊົນບ້ານ ສະພານທອງ, ເມືອງ ສີສັດຕະນາກ, ນະຄອນຫຼວງວຽງຈັນ ເຄີຍປ່ວຍເປັນໂຣກປະດົງ, ເຈັບປວດທໍລະມານມາຫຼາຍປີ, ກິນຢາຫຼວງມາຫຼາຍຊະນິດແຕ່ກໍຍັງບໍ່ເຊົາ, ສຸດທ້າຍ ຫາຍດີຍ້ອນ ໃບໝາກຍົມສົ້ມ ແລະ ໃບໝາກຍໍ.

ທ່ານ ສິງຄຳ ອາລຸນ, ຈາກບ້ານ ນາໄຊ, ເມືອງ ໄຊເສດຖາ, ນະຄອນຫຼວງວຽງຈັນ ໄດ້ບອກສູດຢານີ້ ໃຫ້ກັບຫຼາຍໆຄົນ ກ່າວວ່າ: ຕົນເອງບໍ່ແມ່ນໝໍຢາ, ແຕ່ການໄປຕ່າງແຂວງເລື້ອຍໆ ມັກຊອກຫາສິ່ງທີ່ດີໆ ໃຫ້ກັບໂຕເອງ ເຊັ່ນ: ອາຫານການກິນເພື່ອສຸຂະພາບ, ຢາສະໝຸນໄພຕ່າງໆ ທີ່ມີຢູ່ແຕ່ລະທອງຖິ່ນ, ລວມເຖິງສູດຢາປົວປະດົງທີ່ວ່ານີ້ ກໍເອົາມາຈາກຄົນຮັກແພງ ທີ່ບອກຕໍ່ໆກັນ. ຜ່ານມາ ເພິ່ນໄດ້ບອກສູດຢາປົວປະດົງດັ່ງກ່າວ ໃຫ້ກັບໝູ່ເພື່ອນ ແລະ ພີ່ນ້ອງ ຫຼາຍກວ່າ 50 ຄົນ ເຊິ່ງແຕ່ລະຄົນທີ່ກິນຢາສູດນີ້ ແມ່ນເຊົາເປັນປົກກະຕິ.

ວິທີຕົ້ມຢາ:

ເອົາໃບໝາກຍໍ ແລະ ໃບໝາກຍົມສົ້ມ ຢ່າງລະ 1 ກຳມືໃຫຍ່ ນຳມາລ້າງໃຫ້ສະອາດ, ຈາກນັ້ນ ຕົ້ມໃສ່ນຳ້ 3 ລິດ, ຂ້ຽວໃຫ້ນຳ້ແຫ້ງເຫຼືອປະມານ 1,5 ລິດ ຫຼື ຖ້າຂ້ຽວໄດ້ 1 ລິດຍິ່ງເປັນການດີ, ຕອງເອົາແຕ່ນຳ້ໄວ້ດື່ມກິນ (ຕົ້ມ 1 ຊຸດ ຕໍ່ 1 ມື້).

ວິທີກິນຢາ:

ບໍ່ຄວນກິນຢານີ້ ຕອນທີ່ກຳລັງປວດປະດົງ ເພາະວ່າ ຢາຫຼວງກັບຢາພື້ນເມືອງບາງຊະນິດ ຈະຕ້ານກັນ ເຊິ່ງຈະພາໃຫ້ຢາອອກລິດ ບໍ່ມີປະສິດທິຜົນ. ຄວນກິນຢາຫຼວງ ເພື່ອບັນເທົາອາການປວດລົງກ່ອນ, ຈາກນັ້ນ ຈຶ່ງຄ່ອຍກິນຢາຕົ້ມໃສ່. ສຳລັບຜູ້ທີ່ປວດປະດົງແຮງໆ ໃຫ້ຕົ້ມກິນທຸກໆມື້ ແລ້ວອາການເຈັບປວດ ຈະຄ່ອຍໆບັນເທົາລົງ ແລະ ອາດຈະເຊົາຂາດໄດ້ ຖ້າກິນເປັນປະຈຳ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້