ຄູອາສາສະມັກ 7 ປີບໍ່ໄດ້ສັງກັດລັດ ແຕ່ບໍ່ຍອມທໍ້ຖອຍຕໍ່ຫນ້າທິ່ວຽກງານ ແລະ ມັກຮັກໃນອາຊີບຄູ

0
2801

ຜ່ານມາເຮົາອາດຈະໄດ້ເຫັນຂ່າວຄາວກ່ຽວຊີວິດຄູ(ຄູອາສາສະມັກ)ມາແລ້ວ ທີີ່ເພິ່ນຫມົດຫວັງໃນອາຊີບຄູເນື່ອງຈາກສອນມາຫລາຍປີແຕ່ບໍ່ໄດ້ສັງກັດລັດ ເຊິ່ງມັນຍາກຫລາຍທີ່ຈະໄປຕໍ່ໄດ້ໃຫ້ປະສົບຜົນສໍາເລັດ ກໍເລີຍເຮັດໃຫ້ເພິ່ນຕ້ອງປ່ຽນອາຊີບໄປເຮັດຢ່າງອື່ນແທນ
ແຕ່ນາງຍິບ ຫລື ອາຈານຍິບ ແກ້ວມະນີ ຜູ້ບໍ່ຍອມທໍ້ຖອຍຕໍ່ຫນ້າທິ່ວຽກງານ ແລະ ມັກຮັກໃນອາຊີບຄູກັບຄິດຕ່າງ ອາຈານ ຍິບ ແກ້ວມະນີ ເລີມຕົ້ນສອນແຕ່ປີ2013-2020 ທີ່ ມ.ສ ສັງໄຊ ມາເຖິງ ປັດຈຸບັນກໍຍັງບໍ່ໄດ້ສັງກັດລັດເທືີອ


ອາຈານຍິບ ໄດ້ສ້າງຄອບຄົວ ກັບ ອາຈານໄຊທອງ ຊິ້ງບຸນພັນ ເຊິ່ງທັງສອງເປັນຄູອາສາສະມັກຄືກັນ ແລະ ໄດ້ມີລູກນຳກັນ1ຄົນ ອາໄສຢູ່ບ້ານຊໍ້ ເມືອງສັງທອງ ນະຄອນຫລວງ ໃນສະພາບຄອບຄົວທີ່ຍັງຂາດເຂີນ
ອາຈານໄຊທອງ ຊິ້ງບຸນພັນ ສອນແຕ່ປີ2016 ທີ່ມ.ຕົ້ນ ວັງມ້າເຊິ່ງເປັນເຂດທຸລະກັນດານຂອງເມືອງສັງທອງ ນະຄອນຫລວງວຽງຈັນ ຖ້າບວກເຂົ້າກັນແລ້ວ ຄອບຄົວນີ້ສອນຝຣີໂດຍບໍ່ໄດ້ຮັບເງິນເດືອນ ເງິນເກັບເກນ ແລະ ສະບຽງອາຫານເປັນເວລາ11ປີ ຖ້າບວກໃສ່ສົກຮຽນ2020-21ຊິມານີ້ລວມເປັນ13ປີ ອາຈານຍິບ8ປີ ອາຈານໄຊທອງ5ປີ ຖ້າທຽບໃສ່ແພດອາສາ ຢ່າງນ້ອຍກະຍັງໄດ້ເງິນຍາມ ຖ້າທຽບໃສ່ທະຫານພັນທະຢ່າງນ້ອຍກໍຍັງໄດ້ເງິນເດືອນ ໄດ້ຊຸດເສື້ອຜ້າ ແລະ ຍັງໄດ້ຮູ້ກຳນົດຈະຈົບພັນທະເມື້ອໃດ ຊິໄດ້ຢູ່ຕໍ່ເປັນທະຫານອາຊີບຫລືຊິໄດ້ກັບບ້ານ ແຕ່ອັນນີ້ ບໍ່ຮູ້ເລີຍ


ສອງຜົວເມຍໄດ້ເອົາຕົວລອດແບບວິທີທີ່ລຳບາກຫລາຍ ບໍ່ໄດ້ຂາຍເລກ ບໍ່ໄດ້ຂາຍສິນຄ້າອອນລາຍ ເນື່ອງຈາກວ່າມັນບໍ່ໄດ້ຂາຍ ຂາຍຍາກຫລາຍມີຄົນຂາຍຫລາຍ ເວລາບໍ່ອຳນວຍແລະ ອີກຢ່າງກະບໍ່ມີໂທລະສັບທັນສະໄຫມແດ່ ແຕ່ເພິ່ນຂາຍແຮງງານກິນດ້ວຍການເຮັດໄຮ່ ໂດຍອາໄສວັນເສົາ-ອາທິດ ແລະ ມື້ເພິ່ນບໍ່ມີຊົ່ວໂມງທີ່ທາງໂຮງຮຽນມີນະໂຍບາຍໃຫ້ ໄປເຮັດໄຮ່ ແລະ ຍາມປິດພາກຮຽນກໍໄດ້ໄປນອນໄຮ່ດົນໆຈິງກັບບ້ານເທື່ອຫນຶ່ງ ຕະຫລອດໄລຍະ7ປີມານີ້ ອາຈານຍິບ ບອກວ່າ ເຖິງແມ່ນວ່າຕົນຈະບໍ່ໄດ້ສັງກັດລັດ ບໍ່ມີເງິນເດືອນ ບໍ່ມີເງິນເກັບເກນ ບໍ່ມີສະບຽງອາຫານ ແຕ່ຕົນກໍບໍ່ເຄີຍຄິດທໍ້ຖອຍ ຄິດຢ່າງດຽວວ່າ ຊີວິດຄູເປັນສິ່ງທີ່ຕົນມັກ ແລະ ຮັກທີ່ສຸດ ມັນຕ້ອງມີຈັກມື້ທີ່ຈະເປັນຂອງຕົນ


ບົດຄວາມນີ້ ຢາກສື່ເຖິງຫນ່ວຍງານທີ່ກ່ຽວຂ້ອງ ຈົ່ງພິຈາລະນາເບິ່ງຜົນງານ ແລະ ຄວາມຫ່າວຫັນ ຄວາມຕັ້ງໃຈ ແລະ ຮັກໃນອາຊີບຄູ ຂອງພວກກ່ຽວທັງສອງນີ້ດ້ວຍ ວ່າຄວນຈະມີນະໂຍບາຍທີ່ມີຜົນດີຕໍ່ຄອບຄົວຄູອາສາທັງສອງນີ້ໄດ້ບໍ ຂໍຝາກຄວາມຫວັງກັບຂັ້ນເຖິງໂດຍສະເພາະ ພະແນກສຶກສາທິການ-ກິລາ ນະຄອນຫລວງ ວຽງຈັນດ້ວຍ ແລະ ທີ່ສຳຄັນຄວນແກ້ໄຂຜູ້ທີ່ສອນມາດົນໃຫ້ຫມົດກ່ອນຈິງເປີດຮັບບັນດິດໃຫມ່ເຂົ້າ ໂດຍສະເພາະ ນະຄອນຫລວງຍັງຄ້າງຄາຫລາຍ.

ຖ້າທ່ານໃດຢາກມີຫຍັງປະກອບສ່ວນຫລືຊຸກຍູ້ເປັນກຳລັງໃຈໃຫ້ແກ່ ອາຈານທັງສອງນີ້ກໍສາມາດຕິດຫາເພິ່ນໂດຍກົງເລີຍທີ່ເບີ030 9426251 ຝາກກົດໄລຄ໌ກົດແຊຣ໌ໃຫ້ແດ່ເພື່ອໃຫ້ຮອດຂັ້ນເຖິງ ຂໍຂອບໃຈ

ຂອບໃຈທີ່ມາ: Somphet Seuralock

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້