ສາວໄວ ອາຍຸ 15 ປີ ຮ້ອງໄຫ້ ນ້ຳຕາເປັນເລືອດ ຂະໜາດໝໍກໍງົງບອກບໍ່ໄດ້ວ່າເກີດຫຍັງຂຶ້ນ

0
321

ສາວ​ໄວ 15 ຊາວ​ບ​ຣາ​ຊິນ ປ່ວຍ​ແປກປະ​ຫຼາດ ຄອບຄົວ​​ພາ​ຫາ​ໝໍ​ຊ່ວຍ ຫຼັງ​ມີ​ນ້ຳ​ຕາ​ໄຫຼ​ເປັນ​ເລືອດ ດົນ​ກວ່າ​ອາທິດ ແຕ່ແພດ​ບໍ່ສາສາມາດຮູ້​ເຫດ​ໄດ້

ເລື່ອງລາວອາການສຸດແປກປະຫຼາດທີ່ບໍ່ເຄີຍເກີດຂຶ້ນກັບຄົນທົ່ວໄປ ແຕ່ເກີດຂຶ້ນກັບເດັກສາວອາຍຸ 15 ປີ ເປັນຄົນປະເທດບຣາຊິນ ທີ່ຍັງບໍ່ສາມາດຫາຄຳຕອບໄດ້ວ່າການຮ້ອງໄຫ້ອອກມາເປັນສາຍເລືອດນັ້ນເກີດຂຶ້ນຈາກຫຍັງ ແລະເປັນແບບນີ້ມາໄດ້ 2 ອາທິດແລ້ວ.

ເຊິ່ງສາວຄົນນັ້ນ ມີຊື່ວ່ານາງ Doris ເລີ່ມມີອາການປ່ວຍໃນວັນທີ່ 12 ກັນຍາ 2020 ອາການທຳອິດແມ່ນນາງໄດ້ເຈັບທ້ອງແມ່ນາງໄດ້ພານາງໄປໂຮງໝໍໃນເມືອງເຊົາເປົາລູ ແລະ ໝໍກໍ່ລະບຸວ່ານາງເປັນນິ້ວໃນໝາກໄຂ່ຫຼັງ ໝໍໄດ້ວາງຢາໃຫ້ກິນແລະກໍ່ກັບໄປພັກຜ່ອນຢູ່ເຮືອນ ແຕ່ອີກ1ມື້ຕໍ່ມານາງໄດ້ຖືກນຳສົ່ງໂຮງໝໍອີກເທື່່ອໜຶ່ງຫຼັງຈາກພົບວ່າມີເລືອດໄຫຼອອກມາຈາກດວງຕາ.

ໝໍກໍ່ໄດ້ກວດອາການຂອງນາງອີກເທື່ອ ແຕ່ວ່າບໍ່ສາມາດລະບຸໄດ້ເຖິງສາເຫດທີ່ມາຂອງນ້ຳຕາສາຍເລືອດນີ້ໄດ້ແລະນາງກໍ່ບໍ່ໄດ້ມີອາການເຈັບປວດຫຼືບໍ່ສະບາຍບ່ອນໃດ ໝໍຈຶ່ງໃຫ້ນາງກັບບ້ານກ່ອນ. Juliana Teixeira de Miranda ຜູ້ເປັນ ແມ່ຂອງນາງ ກ່າວວ່າ:

“ລູກສາວຂອງຂ້ອຍໄດ້ຮັບການກວດຫຼາຍເທື່ອແລ້ວ ແຕ່ໝໍກໍ່ບໍ່ພົບບັນຫາຫຍັງເລີຍ ໝໍກໍ່ໄດ້ບອກໃຫ້ກັບໄປພັກຜ່ອນຢູ່ເຮືອນ ແຕ່ຫຼັງຈາກກັບມາຮອດເຮືອນແລ້ວເລືອດກໍ່ເລີ່ມໄຫຼອອກຈາກຕາລູກສາວທັງສອງເບື້ອງອີກ ມັນຍິ່ງເຮັດໃຫ້ທາງຄອບຄົວຮູ້ສຶກຫວັ່ນໃຈຢ້ານກວ່າເກົ່າ ແລະເປັນອີກເທື່ອໜຶ່ງອີກທີ່ຕ້ອງພາລູກສາວສົ່ງໂຮງໝໍແຕ່ກໍ່ບໍ່ມີໃຜໃຫ້ຄຳຕອບໄດ້ກ່ຽງວກັບກໍລະນີນີ້ເລີຍ ຂ້ອຍຈະຕ້ອງຫາຄຳຕອບໃຫ້ໄດ້ວ່າມັນເກີດຫຍັງຂຶ້ນກັບລູກສາວຂ້ອຍ”

ຣາ​ຟາ​ເອນ ອັນ​ໂຕນິ​ໂອ ບາ​ຣ​໌​ໂບ​ຊາ ເດນ​ຊິນ ຈັກ​ສຸ​ແພດ ເຜີຍ​ແຜ່ວ່າ ການ​ປາກົດ​ຕົວ​ຂອງ​ເລືອດ​ໃນ​ນ້ຳ​ຕາ ເອີ້ນໄດ້ວ່າ​ພາ​ວະ Hemolacria ເປັນ​ອາການ​ຫາ​ຍາກ​ທີ່​ມີ​ເລືອດ​ອອກ​ມາ​ກັບ​ນ້ຳ​ຕາ ເກີດ​ຈາກຫລາຍ​ປັດ​ໄຈ​ເຊັ່ນ ຕາ​ຕິດ​ເຊື້ອ ຕາ​ອັກ​ເສບ ບາດ​ເຈັບ ຫລື​ເນື້ອງ​ອົກ ຊຶ່ງ​ແມ້​ຈະ​ມີ​ຄຳ​ອະທິບາຍ​ເຖິງ​ອາການ​ໃນ​ທາງ​ການ​ແພດ ແຕ່​ການ​ຖືຮັກສາ​ຂຶ້ນ​ຢູ່​ກັບ​ສາ​ເຫດ ແລະ ​ບາງຄັ້ງບໍ່ມີການບົ່ງມະຕິທີ່ແນ່ນອນທີ່​ຊັດເຈັນ ເຊັ່ນ​ດຽວ​ກັບ​ກໍລະນີ​ຂອງ​ໂດ​ຣິດ

 ຢ່າງໃດ​ກໍ​ດີ ເຖິງວ່າ​ເຄດ​ຂອງ​ໂດ​ຣິດ​ຈະ​ເຮັດໃຫ້​ທາງ​ແພດ​ເກີດ​ຄວາມ​ປະ​ຫຼາດ​ໃຈ ແຕ່​ກໍ​ບໍ່​ແມ່ນ​ເຄດ​ທີ່​ຊັບ​ຊ້ອນ​ໃນ​ການ​ຮັກສາ ສາມາດ​ໃຊ້​ຢາຕ້ານເຊື້ອແລະ​ການ​ຮັກສາ​ດ້ວຍ​ຮໍ​ໂມນ ຊຶ່ງ​ອາການ​ດັ່ງ​ກ່າວ​ນີ້​ບໍ່​ກໍ່​ໃຫ້​ເກີດ​ບັນຫາ​ສຸຂະພາບ​ອື່ນໆ ສຳລັບ​ຜູ້​ປ່ວຍ

 ທີມາ: https://hilight.kapook.com/

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້