ຄົນ​ທີ່ເກີດ ລາ​ສີມ​ັງກອນຊ່ວງ​ເວລາ 16 ມັງກອນ -15 ກຸມພາ ຫາຫຍັງ ຈື່ງລວຍ ມາຮຽນຮູ້ນຳກັນ

0
99

ຄົນ​ທີ່ເກີດ ລາ​ສີມ​ັງກອນ . ຄົນທີ່ເກີດໃນລາສີນີ້ແມ່ນມີໂລກລາບ ການງານດີ ແມ່ນມີງານຫຍັງ ແລະ ມີລັກສະນະ ແນວໃດ ເຮົາມາເຍບິ່ງນຳກັນ.

– ເກີດຊ່ວງ​ເວລາ: 16 ມ​ັງກອນ – 15 ກຸມພາ

– ທາດ​ປະຈຳ​ຣາ​ສີ: ທາດ​ດິນ

– ສີ​ນຳ​ໂຊກ: ສີ​ເທົາ, ສີ​ນ້ຳ​ເງີນ​ເຂ້ມ, ສີ​ມ່ວງ​ຄາມ. ສີດ​ອົກ​ອຍ​ໄຊ

– ອັນມະນີ: ໂມ​ຣາ​ຂາວ ມຸກ​ດາ​ຫານ, ນິນ, ສະ​ປີ​ເນນ

– ລາ​ສີ​ສົ່ງ​ເສີມ: ລາ​ສີ​ມີນ ລາ​ສີ​ພິ​ຈິກ

– ຕົ້ນ​ໄມ້​ມົງ​ຄົນ: ແກ້ວ, ວາດ​ນາ, ໂປ໊ຍ​ຊຽນ, ກຸ​ຫຼາບ, ໄຜ່, ຣາ​ຊົບ​ເລິກ

– ທິດ​ມົງ​ຄົນ: ທິດ​ໃຕ້

– ອາ​ຊີບຄວາມ​ສົນ​ໃຈ: ການ​ກໍ່​ສ້າງ, ວິ​ສະວະ​ກຳ, ສະ​ຖາ​ປັດ​ຢ​ກຳ, ກະເສດຕະກຳຫລືກະເສດສາດ, ກາ​ນທະນາ​ຄານ, ການ​ເງີນ, ການ​ເມືອງ, ສາດສະຫນາ, ທຸລະກິດ, ການ​ຄົ້ນ​ຄວ້າ​ທາງ​ວິທະຍາ​ສາດ

1. ລາ​ສີມັງ​ກອນ

ຄວາມ​ອົດທົນມີຄວາມ​ສາມາດ​ໃນການຈັດ​ຕັ້ງ​ອົ​ງ​ການ ການ​ບໍລິຫານ​ຟັນ​ຝ່າ​ໄປຫລືກ້າຫານ ຢ່າງ​ບໍ່​ຢ້ານ​ອັນຕະລາຍ ສະຫລຽວ​ສະຫລາດ​ໃນ​ການ​ໃຊ້​ຄວາມ​ຮູ້ ເປັນ​ຜູ້​ຈັດການ ຜູ້​ປົກຄອງ​ປະເທດ, ນັກ​ການ​ທູດ, ນັກ​ອຸດສາຫະກຳ, ກ​ະສິ​ກຳວິທະຍາ​ສາດໜັກ​ເອົາ​ເບົາ​ສູ້ ,ການຄ້າຂາຍພືດແລະຜະລິດຕະພັນປ່າໄມ້

2 ອຸບ​ນິ​ໄສ​ໃຈ​ຄໍ

ຊາວ​ລາ​ສີມັງ​ກອນ ຈະ​ຕ້ອງ​ມີ​ເອກະ​ລັກ​ຂ​ອງ​ຕົວ​ເອງ​ເຊັ່ນ​ດຽວ​ກັນ​ນັ້ນ​ກໍ​ໄດ້​ແກ່ ເປັນ​ຄົົນທີ່​ມັກ​ເຮ​ຮາ ມັກ​ຮ່າ​ເຣີງ ລະ​ລື່ນ​ຢູ່​ເປັນ​ນິໄສ ບາງ​ທີ​ຊາວ​ລາ​ສີມະ​ກອນ​ກໍ​ເບິ່ງ​ເໝືອນ​ເດັກ​ໆ ເພາະ​ມັກ​ສະໜຸກ​ສະໜານ​ຢູ່​ສະເໝີ ເວົ້າ​ຈາ​ກັບ​ໃຜ​ໆ​ທີ່​ເປັນ​ຄົົນທີ່​ຮູ້​ຈັກ​ມັກ​ຄຸ້ນ​ກັນ​ມາ​ກ່ອນ​ກໍ​ມັກ​ຕິດ​ຕ​ະລົກ​ໂປກ​ຮາ ຊວນ​ໃຫ້​ຫົວ​ເລາະ​ກັນ​ໄປຫມົດ ເບິ່ງ​ແລ້ວ​ມ່ວນເຮຮາ ຄົນ​ມັກ​ມ່ວນ​ກໍ​ເປັນ​ຢ່າງ​ນີ້​ນີ້​ເອງ ຊາວ​ລາ​ສີມະ​ກອນ​ຈະ​ໃຊ້​ຖ້ອຍ​ຄຳ​ທີ່​ຊວນ​ຫົວ​ຢູ່​ສະເໝີ ມອງ​ຄົນ​ໃນ​ແງ່​ດີ​ຕະຫລອດ ມອງ​ໂລກ​ໃນ​ແງ່​ດີ​ສະເໝີ ຊື່ສັດ​ສຸ​ຈະລິດ ພົບ​ໄດ້​ບໍ່​ເປັນ​ພິດ​ໄພ​ເປັນ​ໄພ​ແກ່​ໃຜ​ໆ ແມ່ນ​ໃນ​ບາງເທື່ອ​ຈະ​ໃຈ​ຮ້ອຍ​ຢູ່​ດ້ວຍ​ກໍ​ຕາມ ແຕ່​ກໍ​ເລົ່າ​ຮ້ອນ​ໄປ​ພຽງ​ບໍ່​ຫລວງ​ຫລາຍ ປະ​ດ໋ຽວ​ກໍ​ຫາຍ​ໄປ​ແລ້ວ​ບໍ່​ຕິດ​ໃຈ​ຫຍັງ​ຫລາຍ​ຄົນ. ​ຊາວລາ​ສີມະ​ກອນ​ເປັນ​ຄົົນທີ່​ບໍ່​ປົກ​ປິດ​ຄວາມ​ລັບ​ກັບ​ໃຜ​ເລີຍ​ມັກ​ເປີດ​ເຜຍ​ມັກ​ແຈກ​ແຈງ​ສີ່​ເບ້ຍ​ໃຫ້​ຜູ້​ອື່ນ​ຟັງ ​ໂດຍ​ບໍ່​ຄິດ​ຫລາຍ​ຄວາມ​ລັບ​ມັກ​ເກັບ​ບໍ່​ຢູ່​ມັນ​ໃຫ້​ອັດ​ອັ້ນ​ຕັນ​ອຸ​ລາ​ຫລາຍ​ຈະ​ຕ້ອງ​ເປີດ​ເຜຍ​ອອກ​ມາ​ໃຫ້​ໝົດ​ທຸກ​ສິ່ງ​ທຸກ​ຢ່າງ​ຈຶ່ງ​ຈະ​ສະບາຍ​ໃຈ​ເພາະ​ບໍ່​ມີ​ຫຍັງ​ເປັນ​ຄວາມ​ລັບ

3. ຮູບລັກ​ສະ​ນ​ະ

ຊາວ​ລາ​ສີມັງ​ກອນ​ເປັນ​ສ່ວນ​ໃຫຍ່ ຈະ​ຕ້ອງ​ເປັນ​ຜູ້​ທີ່​ມີ​ຣູ​ປຮ່າງ​ສັນ​ທັດ​ ຜິວ​ຊີ້ນ​ດຳ​ແດງ​ຫລື​ຜິວ​ສອງ​ສີ ເວົ້າ​ຈາ​ດີ ທ່າ​ທາງ​ດີ ພູ​ມິ​ຖານ ໜ້າ​ເຊື່ອ​ຖື ຍ່າງ​ເຫີນ​ອົງ​ອາດ ເປັນຄົນເກັ່ງ ໜ້າ​ເຊື່ອ​ຖື ໜ້າ​ເລື່ອມ​ໃສ​ສັດ​ທາ ເປັນ​ບຸກຄະລິກ​ຂອງ​ຜູ້​ມີ​ຄວາມ​ຮູ້​ແລະ​ມີ​ເຈົ້າ​ທຳ ຊາວລາ​ສີມະ​ກອນ​ມີ​ກິ​ຣິ​ຍາ​ອາການ​ຄ່ອງ​ແຄ່ວ ວ່ອງ​ໄວ

4. ຄວາມ​ຮັກ ຄູ່​ຄອງ

ຊາວ​ລາ​ສີມ​ັງກອນ​ເພດ​ຊາຍ ອາພັບ​ຄູ່​ພໍ​ສົມຄວນ​ ​ທີ່​ວ່າ​ອາ​ພັບ​ຄູ່​ນັ້ນ​ບໍ່​ແມ່ນ​ວ່າ​ຈະ​ມີ​ຄູ່​ຄອງ​ບໍ່​ໄດ້​ແຕ່​ໝາຍ​ຄວາມ​ວ່າ ເມື່ອ​ມີ​ຄູ່​ຄອງ​ແລ້ວ​ມັກ​ຈະ​ບໍ່​ລາບ​ລື່ນ ມີ​ແຕ່​ເລື່ອງ​ຫຢຸມ​ຫຢິມ ເລື່ອງ​ລະ​ຫອງ​ລະ​ແຫງ​ມີຄວາມ​ບໍ່ສະງົບຢູ່​ສະເໝີ ຈະ​ມີ​ແຕ່ເລື່ອງ​ຄວາມ​ບໍ່​ພຶງ​ພໍ​ໃຈ​ກັນບໍ່ວ່າ​ເລື່ອງ​ໃດກໍ​ຕາມ ອາດຈະ​ເກີດ​ການ​ຂີ້​ມົ່ນ​ກັນ​ຢູ່​ສະເໝີ​ ຄວາມ​ຮັກກໍ່​ຫາຍ​ໄປ ຮັກ​ໆ​ແຄ້ນ​ໆ​ປົນກັນໄປ ເພາະ​ຊາວ​ລາ​ສີມະ​ກອນ​ເພດ​ຊາຍ​ກໍ​ເປັນ​ຜູ້​ທີ່​ມີ​ວຽກນອກ​ບ້ານ​ຢູ່​ສະເໝີ.

​ຊາວ​ລາ​ສີມັງກອນ​ເພດຍີງ ເລື່ອງ​ຄູ່​ຄອງ​ຄວາມ​ຮັກ​ບໍ່​ມີ​ຫຍັງ​ວຸ້ນວາຍ​ຢ່າງ​ເພດ​ຊາຍທີ່ມີ​ລາ​ສີ​ດຽວ​ກັນ ແລະ​ຈະ​ມີ​ຄວາມ​ສຸກ​ກາຍ​ສະບາຍ​ໃຈ​ທີ່​ມີ​ຄູ່​ຄອງ​ທີ່​ດີ ເອົາ​ອົກ​ເອົາ​ໃຈ​ແລະ​ເຂົ້າໃຈ​ກັນ​ສະເໝີ​ໃນ​ຊີວິດ​ນີ້ ຈຶ່ງ​ບໍ່​ມີ​ຫຍັງ​ໜ້າ​ເປັນ​ຫ່ວງ ເພາະ​ບໍ່​ເກີດ​ເລື່ອງຫລວງ​ຫລາຍ​ຢ່າງ​​ລາ​ສີມັງ​ກອນ​ເພດ​ຊາຍ ຊີວິດ​ທີ່​ມີ​ຄູ່​ຄອງ​ດີ ປາດສະຈາກ​ບັນຫາ​ຈຶ່ງ​ລາບ​ລື່ນ​ໂດຍ​ຕະຫລອດ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້