ຢັ້ງຢືນຖິ່ນກຳເນີດ ຜ້າໄໝຫຼວງພະບາງ ສຳເລັດແລ້ວ..​ທຸກຄົນຕ້ອງຮູ້

0
369

ຜ້າໄໝຫຼວງພະບາງເຮັດມາຢ່າງພິຖີພິຖັນ ນອກຈາກການຕ່ຳໄໝທີ່ງົດງາມແລ້ວຍັງປະດັບໄປດ້ວຍປັກດິ້ງທີ່ເຮັດດ້ວຍສີໄມ້ລາຍມືອັນປານີດ ແບບບໍ່ຄືໃຜ ແລະບໍ່ມີໃຜຄື ກ່ອນຈະໄດ້ມາເຊິ່ງສິ້ນຜືນໜຶ່ງ ຕ້ອງໃຊ້ເວລາຍາວນານຈິ່ງເຮັດໃຫ້ຜ້າໄໝຂອງຊາວເມືອງຫຼວງພະບາງມີຄຸນຄ່າ ແລະລາຄາທາງໃຈຫຼາຍສຳລັບຜູ້ພົບເຫັນ.

ແລະສຸດທ້າຍ ໃນວັນທີ 23 ກັນຍາ 2020 ທີ່ ນະຄອນຫລວງພະບາງ ແຂວງຫລວງພະບາງ ໄດ້ມີພິທີມອບໃບຢັ້ງຢືນ ຖິ່ນກໍາເນີດຜ້າໄໝຫລວງພະບາງ ໃຫ້ສະມາຄົມສົ່ງເສີມຜ້າໄໝຫລວງພະບາງຢ່າງເປັນທາງການ ໂດຍການເຂົ້າຮ່ວມຂອງທ່ານ ນາງ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ.

ໂອກາດດັ່ງກ່າວ, ທ່ານ ນາງ ຂັນລາສີ ແກ້ວບຸນພັນ ກ່າວວ່າ: ການຈົດທະບຽນປົກປ້ອງຖິ່ນກໍາເນີດຜ້າໄໝຫລວງພະບາງກໍແມ່ນເພື່ອປົກປ້ອງຊື່ສຽງຂອງຜ້າໄໝຫລວງພະບາງ ທັງເປັນການປົກປ້ອງພູມປັນຍາຊຸມຊົນ ໃນທ້ອງຖິ່ນແບບດັ່ງເດີມ ທີ່ມໍລະດົກສືບທອດມາ ຈາກບັນພະບູລຸດໄດ້ຫລາຍເຊັ່ນຄົນ.

ການມອບໃບຢັ້ງຢືນ ຖິ່ນກໍາເນີດຜ້າໄໝຫລວງພະບາງຄັ້ງນີ້, ຈະເປັນການຊ່ວຍໃຫ້ມີການຮັກສາຄຸນນະພາບ ທີ່ເປັນເອກະລັກຂອງຜ້າໄໝຫລວງພະບາງໄວ້ ພາຍຫລັງການຈົດທະບຽນ ແລະ ຈະມີການກວດກາ ທຸກຂັ້ນຕອນການຜະລິດ ໂດຍສະມາຄົມສົ່ງເສີມ ຜ້າໄໝຫລວງພະບາງ ຢ່າງເປັນລະບົບຄົບຊຸດ ໂດຍຈະຢັ້ງຢືນຄວາມຖືກຕ້ອງ ຕາມເອກະສານ ຄຸນລັກສະນະສະເພາະຂອງຜ້າໄໝຫລວງພະບາງ ຈາກໜ່ວຍງານຢັ້ງຢືນພາຍໃນປະເທດ ຫລື ສາກົນ.

ຮູບຈາກ: ນາງສັງຂານຫຼວງພະບາງ ແລະ ຂໍ້ມູນ: ຂ່າວສານປະເທດລາວ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້