ແຈ້ງປະຊາຊົນໃຫ້ກຽມໂຕ່ງນ້ຳ ແລະ ກັກເກັບນ້ຳໄວ້ໃຊ້ 2 ບ້ານ ເຂດເມືອງໄຊເສດຖາ

0
260

ລັດວິສາຫະກິດ ນ້ຳປະປາ ນະຄອນຫຼວງວຽງຈັນ ໄດ້ອອກແຈ້ງການເມື່ອບໍ່ດົນມານີ້ ວ່າ: ມື້ອື່ນ ວັນທີ 26/09/2020 ນັບແຕ່ເວລາ 9: 00 ໂມງ ຫາ 16: 00 ໂມງ, ລັດວິສາຫະກິດ ນ້ຳປະປາ ຈະໄດ້ດໍາເນີນການປັບປຸງທໍ່ ເພື່ອເພີ່ມແຮງດັນນໍ້າ ຢູ່ບ້ານຈອມມະນີ, ຮ່ອມຂ້າງຫໍປະຊຸມແຫ່ງຊາດຂອງເມືອງໄຊ

ເສດຖາ ນະຄອນຫຼວງວຽງຈັນ.ການສ້ອມແປງດັ່ງກ່າວ ຈະສົ່ງຜົນໃຫ້ມີນ້ຳອອກຄ່ອຍ ຫາ ບໍ່ມີນ້ຳ ໃນຂອບເຂດ 2 ບ້ານ ຄື: ບ້ານ ຈອມມະນີ  ແລະ ສີວິໄລ, ດັ່ງນັ້ນຈຶ່ງແຈ້ງໃຫ້ຜູ້ຊົມໃຊ້ນ້ຳໃນເຂດເມືອງ ດັ່ງກ່າວ ຈົ່ງກະກຽມໂຕ່ງນ້ຳ ແລະ ກັກເກັບ ນ້ຳໄວ້ຊົມໃຊ້ໃຫ້ພຽງພໍໃນໄລ ຍະເວລາທີ່ໄດ້ກຳນົດໄວ້.

ໃນໄລຍະຜ່ານມາ ລັດວິສາຫະກິດ ນ້ຳປະປາ ນະຄອນຫຼວງວຽງຈັນ ກໍ່ໄດ້ມີການສ້ອມແປງລະບົບນໍ້າປະປາ ເຊັ່ນ:

ເດືອນກຸມພາ ຜ່ານມາ, ລັດວິສາຫະກິດ ນ້ຳປະປາ ໄດ້ສ້ອມແປງທໍ່ສົ່ງນ້ຳເຂົ້າຕົວ ເມືອງ ທີ່ແຕກຮົ່ວ ທີ່ໂຮງງານນ້ຳປະປາ ດົງໝາກຄາຍ II.ພ້ອມນັ້ນ,ໃນເດືອນມີຖຸນາ ຜ່ານມາ, ລັດວິສາຫະກິດ ນ້ຳປະປາ ກໍ່ໄດ້ມີການປ່ຽນຖ່າຍປະຕູນໍ້າ ຢູ່ເຂດທາດຫຼວງໃຕ້ ຂອງເມືອງໄຊເສດຖາ,ນະຄອນຫຼວງວຽງຈັນ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້