ເດັກ 13 ປີ ລັກລົດເຄັມເມີຣີ ຂອງພໍ່ ໄປຂັບດ້ວຍໄວສູງ ຈົນບໍ່ເຫຼືອຫຍັງ

0
490

ເຫດການນີ້ເກີດຂຶ້ນໃນວັນທີ 16 ກັນຍາທີ່ຜ່ານມາ ເຊິ່ງເວັບໄຊເດລີເມວລາຍງານວ່າ: ເຫດລະທຶກຂັວນລົດໂຕໂຍຕ້າເຄັມເມີຣີ ທີ່ຂັບໂດຍບ່າວນ້ອຍໄວ 13 ປີ ໄດ້ປາດຊ້າຍປາດຂວາທົ່ວເສັ້ນທາງຫຼວງໃຈກາງຂອງນະຄອນຫຼວງມົດສະກູ ພ້ອມໝູ່ອີກສອງຄົນ ເຊິ່ງສ້າງຄວາມຕົກໃຈບໍ່ໜ້ອຍແກ່ຜູ້ໃຊ້ລົດໃຊ້ຖະໜົນເນື່ອງຈາກເດັກນ້ອຍກຸ່ມນີ້ເລັ່ງຄວາມໄວເຖິງ 200 ກິໂລແມັດຕໍ່ຊົ່ວໂມງ

ເຮັດໃຫ້ເຈົ້າໜ້າທີ່ກໍ່ບໍ່ສາມາດໄລ່ຕິດຕາມນຳທັນ, ມີດ່ານຕຳຫຼວດຕັ້ງໄວ້ກາງຖະໜົນກໍ່ເອົານຳບໍ່ທັນ ຈິ່ງໄດ້ແຕ່ເປີດສັນຍານໄຟໄລ່ຕິດຕາມ ແຕ່ຍິ່ງເຮັດໃຫ້ເດັກເລັ່ງຄວາມໄວເພີ່ມຂຶ້ນໄປອີກ ຈົນຮອດທາງຫຼວງທີ່ເຊື່ອມຕໍ່ໄປປະເທດເບລາຣຸດເດັກໄດ້ເສຍການຄວບຄຸມ ເຮັດໃຫ້ລົດເຂົ້າຕຳກັນຮາວກັ້ນລົດຈັກຈົນມຸ່ນອະຍະ.

ເຈົ້າໜ້າທີ່ສືບຮູ້ຕາມຫຼັງວ່າ ເດັກຂາຍໄວ 13 ຄົນນັ້ນແມ່ນມີຄວາມຫຼົງໄຫຼເປັນພິເສດຕໍ່ການຂັບລົດມິນິໂກຄາດ ຈິ່ງລັກກະແຈລົດຂອງພໍ່ໄປຂັບ ບໍ່ພຽງໄປຄົນດຽວແຕ່ຍັງໄປຮັບເອົາໝູ່ອີກ 2 ຄົນໃນໄວ 13 ແລະ 12 ປີໄປນຳ

ຈາກເຫດການລົດເສຍການຄວບຄຸມເດັກຊາຍ 3 ຄົນລອດປະຕິຫານ ທ່າມກາງລົດມຸ່ນອຸ້ຍປຸ້ຍ ແຕ່ເດັກຊາຍຄົນໜຶ່ງກະເດັນອອກນອກລົດເປັນແຜຫຼາຍຈຸດ, ອີກຄົນກະດູກຂ້າງຫັກຫຼາຍເຫຼັ້ມ.

ການເກີດເຫດຄັ້ງນີ້ ຍັງຈະມີການສອບສວນຂອງເຈົ້າໜ້າທີ່ໆໄລ່ຕິດຕາມວ່າມີສ່ວນເຮັດໃຫ້ເດັກຊາຍເລັ່ງຄວາມໄວເພີ່ມຂຶ້ນຈົນເກີດອຸບັດຕິເຫດຫຼືບໍ, ສ່ວນຜູ້ປົກຄອງເດັກທັງສາມແມ່ນບໍໄດ້ສະແດງຄວາມເຫັນໃດໆຕໍ່ເຫດການໃນຄັ້ງນີ້.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້