ຄວນຮູ້ ຄວນແຊຣ໌ໄວ້ !..6 ປະໂຫຍດຂອງເປືອກກ້ວຍສຸກ

0
18

ໝາກກ້ວຍ ມີແຮ່ທາດ ແລະວິຕາມິນ ເປັນໝາກໄມ້ທີ່ຊອກກິນໄດ້ງ່າຍ ເພາະເປັນໝາກທຸກລະດູ, ນອກຈາກນັ້ນເປືອກກ້ວຍຍັງມີປະໂຫຍດຫຼາຍຢ່າງ ມື້ນີ້ແອດຈຶ່ງຈະມາແນະນຳວ່າ ຫຼັງຈາກປອກກ້ວຍກິນແລ້ວ ຢ່າຟ້າວຖິ້ມເປືອກກ້ວຍ ເພາະມັນຍັງມີປະໂຫຍດຕໍ່ສຸຂະພາບ ທີ່ເຮົາຈະໄດ້ຮັບຈາກເປືອກກ້ວຍນັ້ນເອງ

1. ຊ່ວຍຂ້າເຊື້ອ: ເປືອກກ້ວຍເປັນຢາຂ້າເຊື້ອ ສາມາດປິ່ນປົວບາດແຜທີ່ຖືກມີດບາດໄດ້ ໂດຍເອົາເປືອກກ້ວຍມາປາດ ແລ້ວຕັດເປັນຕ່ອນ ມາປິດລົງບາດແຜ ແລ້ວໃຊ້ຜ້າມາພັນໄວ້ ປະໄວ້ 2-3 ຊົ່ວໂມງແລ້ວປ່ຽນເອົາກ້ວຍຕ່ອນໃໝ່ໃສ່ ເຮັດແບບນີ້ບາດແຜຈະຄ່ອຍໆດີຂຶ້ນ

2. ແກ້ສົ້ນຕີນແຕກ: ເປືອກກ້ວຍດ້ານໃນມີລັກສະນະມື່ນ, ຄວາມມື່ນຂອງເປືອກກ້ວຍ ເມື່ອເອົາມາຖູບໍລິເວນສົ້ນຕີນແຕກແຫ້ງ ປະໄວ້ 10-15 ນາທີ ແລ້ວລ້າງອອກດ້ວຍນໍ້າສະອາດ ຈະຊ່ວຍເຮັດໃຫ້ຜິວບໍລິເວນສົ້ນຕີນນຸ້ມຂຶ້ນ ຄວນເຮັດອາທິດລະ 2-3 ຄັ້ງ ພ້ອມທາຄີມບຳລຸງ ພຽງເທົ່ານີ້ ບັນຫາສົ້ນຕີນແຕກກໍຈະໝົດໄປ

3.ຊ່ວຍສະໝານບາດແຜ: ເປືອກກ້ວຍ ເປັນຢາສະໝານແຜໄດ້ດີເກີນຄາດ ເພາະມີເອນໄຊ ສານແອນຕີ້ອອກຊີແດນ ແລະແຮ່ທາດຕ່າງທ ທີ່ຊ່ວຍເຮັດໃຫ້ບາດແຜດີໄວ ພຽງເອົາເປືອກກ້ວຍໄປລ້າງຢາງອອກໃຫ້ໝົດ ແລ້ວເອົາມາຖູຮອບໆ ປາກບາດແຜ ທີ່ເກີດຈາກການເກົາ, ຮອຍສິວ, ລວມເຖິງອາການຄັນຈາກເຊື້ອລາ

4.ແກ້ຍຸງກັດ: ນໍ້າຕານໃນເປືອກກ້ວຍ ສາມາດຫຼຸດອາການບວມໃຄ່ ຂອງຕຸ່ມຍຸງກັດ ໂດຍໃຊ້ເປືອກກ້ວຍດ້ານໃນຖູລົງບໍລິເວນຜິວທີ່ຖືກຍຸງກັດ ປະໄວ້ບຶດໜຶ່ງ ອາການເປັນຕຸ່ມແດງກໍຈະດີ ຫຼືຖືກແມງໄມ້ອື່ນໆກັດ ເປືອກກ້ວຍຊ່ວຍອາການບວມໃຄ່ໄດ້

5. ບັນເທົາອາການເຈັບປວດ: ເອົາເປືອກກ້ວຍໄປລົນໄຟ ແລ້ວເອົາມາຄັ້ນບໍລິເວນທີ່ປວດເມື່ອຍ ຈະຮູ້ສຶກຜ່ອນຄາຍລົງໄດ້

6.ຂັດແຂ້ວໃຫ້ຂາວ:​ ເອົາເປືອກກ້ວຍມາຖູແຂ້ວມື້ລະ 1 ນາທີ ຈະຊ່ວຍໃຫ້ແຂ້ວຂາວ ເພາະໃນເປືອກກ້ວຍ ມີແຮ່ທາດໂພແທສຊຽມ, ແມັງການິດ, ແມັກນີຊຽມ ທີ່ເຮັດໃຫ້ແຂ້ວຂາວໄດ້

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້