ນາຍບ້ານຫນອງພະຍາ ຖອນຄຳຟ້ອງ ພຣະອາຈານຍ໌ ສົມປອງ ເຈົ້າອາທິການວັດໜອງພະຍາ

0
899

ກໍລະນີການປິດປະຕູວັດໜອງພະຍາ ທີ່ຮືຮາກັນໃນວັນທີ 2​ ກັນຍາຜ່ານມາ ເຊິ່ງຮອງເຈົ້າເມືອງໄຊທານີ ອອກມາ​ຊີ້ແຈງ​ວ່າ​ ເຈົ້າໜ້າທີ່ປະຕິບັດຕາມຂໍ້ຕົກຂອງຝ່າຍສົງ ທີ່ເຫັນວ່າເຈົ້າອະທິການວັດ ແລະຝ່າຍປົກຄອງມີກໍລະນີພິພາດກັນມາດົນ​ ຈຶ່ງຕົກລົງໃຫ້ເຈົ້າອະທິການວັດຍ້າຍອອກຈາກວັດດັ່ງກ່າວບໍ່ກາຍ 30​ສິງຫາ,​ ດັ່ງນັ້ນ​ ຈຶ່ງມີກໍລະນີປິດປະຕູວັດຢ້ານຊາວພຸດເຂົ້າໄປກໍ່ຂະບວນຕໍ່ຕ້ານ ແລະ ດັງທະລຸປຸໂປ່ງທົ່ວເຟສບຸກ ບອກວ່າເຈົ້າອາວາດວັດເຮັດຜິດວິໄນສົງຂັ້ນຮ້າຍແຮງ ມາຮອດມືວັນທີ 5/9/2020 ນີ້ກໍ່ມີເອກະສານຖອນແຈ້ງຄວາມອອກມາ ບອກວ່າເປັນການໃສ່ຮ້າຍປ້າຍສີ.

ຜູ້ທີ່ແທນນາມກ່ອນໜ້ານີ້ວ່າຄູ່ກໍລະນີ ກັບເຈົ້າອາວາດຊື່ວ່າ ທ່ານເຂັມຄຳ ສີຫາລາດ ແລະທ່ານນາງ ຈັນທະພອນ ສີຫາລາດ(ແມ່ໃຫຍ່) ມື້ນີ້ອອກມາຖອນແຈ້ງຄວາມເລື່ອງເອກະສານຄຳຮ້ອງຟ້ອງກ່ຽວກັບພະອາຈານສົມປອງ ທອງພຽນ ທີ່ໄດ້ໃສ່ຮ້າຍປ້າຍສີເພິ່ນ.

ໂດຍເນື້ອໃນຄຳຊີ້ແຈງລະບຸວ່າ: ທີ່ໄດ້ໃສ່ຮ້າຍປ້າຍສີແມ່ນບໍ່ມີມູນຄວາມຈີງ ເປັນການແຕ່ງຂຶ້ນຈາກຜູ້ເປັນນ້ອງຊາຍ ແລະນ້ອງສາວ (ຕົວລະຄອນທີ 4-5 ປະກົດຂຶ້ນມາຕື່ມ) ໄດ້ສົມທົບກັບພາກສ່ວນທີ່ບໍ່ຫວັງດີຕໍ່ພະອາຈານ ສົມປອງ ແລະຫຼອກໃຊ້ ຍ້ອນຄວາມຮູ້ເທົ້າບໍ່ເຖິງການໃຫ້ເຊັນເອກະສານຄຳຮ້ອງຟ້ອງດັ່ງກ່າວ. ເມື່ອຮູ້ຂ່າວຈິ່ງຂໍຊີ້ແຈງວ່າ ບໍ່ມີມູນຄວາມຈີງຕາມທີ່ຮ້ອງຟ້ອງນັ້ນ ແລະຂໍລົບລ້າງຄຳກ່າວຫາພະອາຈານ ສົມປອງ ທອງພຽນ ພ້ອມຂໍຂະມາພະອາຈານດ້ວຍ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້