ວິທີບັງຄັບໃຫ້​ໝາກພ້າວ​ຕິດ​ລູກຫຼືເປັນມາກໄດ້ຕະຫລອດ​​ປີ

0
361

ນ້ຳ​ໝາກພ້າວ​ມີ​ປະໂຫຍດ​ຕໍ່​ສຸກຂະພາບ ຊ່ວຍ​ຊະ​ລໍ​ຄວາມ​ແກ່ ບຳ​ລຸງ​ຜິວ​ພັນ ຄວາມ​ຕ້ອງ​ການຂອງຜູ້ບໍລິໂພກເພີ່ມ​ຫລາຍ​ຂຶ້ນ

ດຣ.ວົນ​ພັດ ລັກ​ນະ​ທິນ​ວົງ ຜູ້​ອຳ​ນວຍ​ການ​ສູນ​ເຄື່ອງ​ມື​ເພື່ອ​ການ​ວິ​ໄຈ​ຂັ້ນ​ສູງ ພາ​ກວິ​ຊາ​ເທັກ​ໂນ​ໂລ​ຢີ​ການ​ກະເສດ ຄະນະ​ວິທະຍາ​ສາດ​ແລະ​ເທກ​ໂນ​ໂລ​ຢີ ມະຫາ​ວິທະຍາ​ໄລ​ທຳ​ສາດປະເທດໄທ ຈຶ່ງ​ຫາ​ທາງ​ແກ້​ບັນຫາ​ດ້ວຍ​ການ​ນຳ​ເທັ​ນິກ​ປະສົມ​ເກ​ສົນ​ໝາກພ້າວ​ຈາກ​ຟິ​ລິບ​ປິນ​ ສູນ​ກາງ​ສຶກ​ສາ​ໝາກພ້າວ​ທົ່ວ​ໂລກ ມາ​ທົດລອງ​ໃຊ້​ກັບ​ສວນ​ໝາກພ້າວ​ນ້ຳ​ຫອມແຕ່​ໃຫ້​ເຮັດ​ແນວໃດ​ກໍ​ບໍ່​ສາມາດ​ເຮັດໃຫ້​​ໝາກພ້າວ​ຕິດຜົນເປັນໝາກ​ເໝືອນ​ທີ່​ຕັ້ງ​ໃຈ

“ການທົດລອງຊ່ວງທຳອິດແມ່ນຂຶ້ນ​ຕົ້ນ​​ໝາກພ້າວ​ໄປ​ນັ່ງ​ໆຕັດ​ໂນ່ນ​ຕັດ​ນີ້ ບາງເທື່ອ​ກໍ​ເຮັດ​ກາບ​ໝາກພ້າວ​ຫັກຈົນ​ເຈົ້າ​ຂອງ​ສວນ​ຢ້ານ​ວ່າ​​ໝາກພ້າວ​ຈະ​ຢືນ​ຕົ້ນ​ຕາຍ ເລີຍ​ຫ້າມ​ບໍ່​ໃຫ້​ເຮັດວຽກ​ວິ​ຈໄຈ​ຕໍ່ ເປັນ​ຢ່າງ​ນີ້ 3-4 ແຫ່ງ ”

ແຕ່​ວິກິດ​ໄດ້​ກາຍ​ເປັນ​ໂອ​ກາດ ຄວາມ​ລົ້ມ​ເຫລວ​ກໍ່​ໃຫ້​ເກີດ​ຄວາມ​ຊຳ​ນານ ມີ​ເວລາ​ສັງເກດ​ທຳມະຊາດ​ການ​ປະສົມ​ເກດ​ ດອກ​ຕົວ​ຜູ້​ແລະ​ຈັ່ນ​ຕົວ​ເເມ່ວ່າ ເກີດ​ຂຶ້ນ​ແບບໃດ… ຕ້ອງ​ປະສົມ​ກັນ​ແນວໃດ​ເຖິງ​ຈະ​ດີ​ທີ່ສຸດ

ເລິ່ມ​ດ້ວຍ​ການ​ກຽມ​ຈັ່ນ​ໝາກພ້າວ​ທີ່​ພ້ອມ​ຈະ​ປະສົມ​ເກ​ສົນ ໃຫ້​ສັງເກດ​ດອກ​ຕົວ​ຜູ້ (ປາຍ​ຫາງ​ໜູ) ເມັດ​ຕູມ​ສີ​ຂຽວ​ສະແດງ​ວ່າ​ແກ່​ຈັດ​ໃຊ້​ໄດ້ ແລ້ວ​ເອົາ​ນ້ຳ​ເກືອ​ເຂ້ມ​ຂົ້ນ​ອິ່ມ​ຕົວ (saturated) ທີ່​ໄດ້​ມາ​ຈາກ​ເກືອ​ແກງ​ມາ​ລະ​ລາຍ​ນ້ຳ ແລ້ວເຕີມ​ເກືອ​ໄປ​ເລື່ອຍ​ໆ ກະ​ທັ່ງ​ເມັດ​ເກືອ​ບໍ່​ລະ​ລາຍ​ນ້ຳ…ນັ້ນ​ແຫຼະ​ເກືອ​ເຂ້ມ​ຂົ້ນ​ອິ່ມ​ຕົວແລ້ວເກັບ​ເມັດ​ດອກ​ຕົວ​ຜູ້​ມາ​ລ້າງ​ນ້ຳ​ເກືອ ເກັບ​ໃສ່​ຖົງ​ແຊ່​ຕູ້​ເຢັນ​ຊ່ອງ​ທຳມະດາ

ສ່ວນ​ດອກ​ຕົວ​ແມ່ (ລັກສະນະ​ເໝືອນ​ລູກ​ຈິ໋ວ) ທີ່​ຢູ່​ຄາ​ຈັ່ນ ເອົາ​ນ້ຳ​ເກືອ​ຕົວ​ດຽວ​ກັນ​ລ້າງ​ເທື່ອ​ລະ​ດອກ ຄຸມ​ດ້ວຍ​ຖົງ​ຜ້າ​ແກ້ວ ຂະໜາດ 3×7 ນິ້ວ ໃຊ້​ເຊືອກ​ມັດ​ປາກ​ຖົງ ຖິ້ມ​ໄວ້ 7 ມື້…ລໍຖ້າຈົນ​ດອກ​ຕົວ​ເເມ່​ເປີດ​ເປືອກ ມີ​ນ້ຳ​ຫວານ​ເຢີ້ມ​ອອກ​ມາ ເປີດ​ຖົງ​ຜ້າ​ແກ້ວ​ເປັນ​ຊ່ອງ​ນ້ອຍ​ໆ ເອົາ​ດອກ​ຕົວ​ຜູ້​ທີ່​ເກັບ​ໄວ້​ໃນ​ຕູ້​ເຢັນ ໃຊ້​ຄີມ​ຄີບ​ໃສ່​ເຂົ້າໄປ​ໃສ່ໃນ​ຖົງ ແລ້ວ​ບີບ​ໃຫ້​ແຕກ ເຮັດ​ຢ່າງ​ນີ້ 3 ມື້… 1 ຈັ່ນ ມີດ​ອກ​ຕົວ​ເເມ່​ປະ​ມານ 6-7 ດອກ ສະ​ນັ້ນ​ຈະ​ຕ້ອງ​ໃຊ້​ດອກ​ຕົວ​ຜູ້​ປະ​ມານ 18-21 ດອກ ໃນ​ການ​ປະສົມ​ແຕ່​ລະ​ເທື່ອ

“ເປັນ​ການ​ຮຽນ​ແບບ​ທຳມະຊາດ ຈາກ​ເດີມ 1 ທະ​ລາຍ ຫຼື 1 ຊໍ່ ຢ່າງ​ເກັ່ງ​ກໍ​ມີ​ໝາກພ້າວ​ພຽງ 2-3 ລູກ ແຕ່​ວິທີ​ນີ້​ເຮັດໃຫ້​ໝາກພ້າວ​ທີ່​ປະສົມ​ຕິດ​ທຸກ​ລູກ ເມື່ອ​ລູກ​ໝາກພ້າວ​ມີ​ຂະໜາດ​ໃຫຍ່ ຈະ​ດັນ​ຖົງ​ຜ້າ​ແກ້ວ​ໃຫ້​ຈີກ​ຂາດ​ເອງ ເຮົາ​​ບໍ່​ຈຳ​ເປັນ​ຕ້ອງ​ຫຍິບ​ຖົງ​ຜ້າ​ໃຫ້​ແຂງ​ແຮງ ແຕ່​ໝາກພ້າວ​ຈະ​ຕິດ​ລູກ​ດີ​ຫລື​ບໍ່ ຢູ່​ທີ່​ກະເສດ​ກອນ​ເບິ່ງ​ແຍງ​ໃສ່​ປຸ໋ຍ​ໃຫ້​ຕົ້ນ​ແຂງ​ແຮງ ລໍ​ເວລາ​ອີກ​ພຽງ 7 ເດືອນ ສາມາດ​ເກັບ​ໝາກພ້າວ​ໄດ້ ເພາະ​ເປັນ​ຊ່ວງ​ເວລາ​ທີ່​ໝາກພ້າວ​ມີ​ຄຸນນະພາບຫອມ​ຫວານ​ຫລາຍ​ທີ່ສຸດ

ວິທີ​ການ​ນີ້​ບໍ່​ພຽງ​ຊ່ວຍ​ຊາວ​ສວນ​ສາມາດ​ບັງຄັບ​ໃຫ້​ລູກ​ໝາກພ້າວ​ຕິດ​ລູກ​​ຢ່າງ​ດຽວ ຍັງ​ຊ່ວຍ​ໃຫ້​ຕິດ​ຜົນ​ໄດ້​ຕະຫລອດ​ທັງ​ປີ ເພາະ​ຖ້າ​ປ່ອຍ​ໃຫ້​ທຳມະຊາດ​ປະສົມ​ເອງ ເຈີ​ຝົນ ລົມ​ແຮງ ຈະ​ບໍ່​ຕິດ​ລູກ​ເລີຍ…

ອ້າງອີງຈາກ: https://www.thairath.co.th

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້