ທ່ານໃດສົນໃຈຮຽນປະລິນຍາຕີ (ລະບົບຕໍ່ເນື່ອງ)​ ຮີບໄປຊື້ຄຳຮ້ອງເດີ..​

0
851

ແຈ້ງການ ການຮັບນັກສຶກສາເຂົ້າຮຽນຫຼກສູດຕໍ່ເນື່ອງປະລິນຍາຕີ ໃນມະຫາວິທະຍາໄລແຫ່ງຊາດ ແຕ່ວັນທີ 1 – 25 ກັນຍາ 2020ນີ້!

ຫນັງສືແຈ້ງການ ຮຽນ/ເຖິງ: ທ່ານຄະນະບໍດີ ຄະນະວິຊາຕ່າງໆ ທົ່ວມະຫາວິທະຍາໄລແຫ່ງຊາດ. ເລື່ອງ: ການຮັບນັກສຶກສາເຂົ້າຮຽນຫຼັກສຸດ ຕໍ່ເນື່ອງປະລິນຍາຕີ ໃນມະຫາວິທະຍາໄລແຫ່ງຊາດສໍາລັບສົກສຶກສາ 2020-2021.

– ອີງຕາມ ດໍາລັດນາຍົກລັດຖະມົນຕີວ່າດ້ວຍການຈັດຕັ້ງ ແລະ ການເຄື່ອນໄຫວຂອງມະຫາວິທະຍາໄລແຫ່ງຊາດເລກທີ 07 1/ນຍ, ລົງວັນທີ 16 ມີນາ 2009; ອີງຕາມ ການຕົກລົງເຫັນດີໃນກອງປະຊຸມຂອງຄະນະພະແນກວິຊາການຂອງແຕ່ລະຄະນະວິຊາ, ໃນຄັ້ງວັນທີ 25/08/2020; ອີງຕາມ ແຜນການຮັບນັກສຶກສາຂອງມະຫາວິທະຍາໄລແຫ່ງຊາດ ສົກສຶກສາ 2020-2021.ອະທິການບໍດີ ມະຫາວິທະຍາໄລແຫ່ງຊາດ ຂໍຖືເປັນກຽດແຈ້ງມາຍັງທ່ານຄະນະບໍດີຄະນະວິຊາຕ່າງໆ ຊາບ ທົ່ວເຖິງກັນວ່າ:

1. ມະຫາວິທະຍາໄລແຫ່ງຊາດ ຈະໄດ້ເປີດຂາຍ ແລະ ຮັບຄໍາຮ້ອງ ສະຫມັກສອບເສັງເຂົ້າຮຽນຫຼັກສຸດຕໍ່ເນື່ອງປະລິນຍາຕີ ເລີ່ມແຕ່ວັນທີ 01/09/2020 ແລະ ຈະປິດຮັບຄໍາຮ້ອງ ໃນວັນທີ 25/09/2020 ໂດຍແມ່ນຫ້ອງການວິຊາການ ມຊ ເປັນຜູ້ຮັບຜິດຊອບ.

2. ມອບໃຫ້ແຕ່ລະຄະນະວິຊາທີ່ໄດ້ເປີດສອນຫຼັກສູດຕໍ່ເນື່ອງປະລິນຍາຕີ ວາງແຜນ, ກະກຽມ ແລະ ຈັດຕັ້ງການສອບເສັງ ເພື່ອຄັດເລືອກເອົານັກສຶກສາ (ທີ່ໄດ້ຮັບການກວດຜ່ານເອກະສານຈາກຫ້ອງການວິຊາການ ມຊ ແລະ ພະແນກວິຊາການຂອງຄະນະວິຊາ) ເຂົ້າຮຽນຫຼັກສຸດຕໍ່ເນື່ອງປະລິນຍາຕີ ທີ່ຄະນະວິຊາຂອງຕົນເອງ ແລ້ວລາຍ ງານຜົນການສອບເສັງຄັດເລືອກຕາມຕົວເລກທີ່ກະຊວງສຶກສາທິການ ແລະ ກິລາ ກໍານົດ ໃຫ້ທ່ານອະທິການບໍດີຮັບຊາບ ໃນລະຫວ່າງວັນທີ 28/09/2020 ເຖິງ 02/10/2020.

3. ຜູ້ທີ່ມີສິດເຂົ້າຮຽນຫຼັກສຸດຕໍ່ເນື່ອງປະລິນຍາຕີ ຕ້ອງມີເງື່ອນໄຂຄົບຖ້ວນ ແລະຖືກຕ້ອງຕາມມາດຕະຖານຫຼັກສູດ ແຫ່ງຊາດ, ໂດຍມອບໃຫ້ແຕ່ລະຄະນະວິຊາ ສົມທົບກັບຫ້ອງການວິຊາການລົງໂຄສະນາ ແລະ ປະຊາສໍາພັນໃຫ້ ທົ່ວສັງຄົມຮັບຊາບ.ດັ່ງນັ້ນ, ຈຶ່ງມີແຈ້ງການສະບັບນີ້ມາຍັງທຸກພາກສ່ວນເພື່ອຮັບຊາບ ແລະ ປະຕິບັດໃຫ້ເປັນເອກະພາບກັນ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້