ພັນລະນາ ຝູງເປັດເທດນ້ອຍ

0
114

ໃນຄອບຄົວຂອງຫຼານນອກຈາກລ້ຽງໄກ່, ເປັດລາດ, ໄກ່ງວງ, ຫ່ານ ແລ້ວຍັງ ລ້ຽງເປັດເທດຕື່ມອີກ. ຝູງເປັດເທດນ້ອຍຂອງຫຼານ ຫາກໍ່ແຕກອອກຈາກບໍ່ມາໄດ້ຫ້າມື້ ພາກັນແຫ່ຕາມຫລັງແມ່ຂອງມັນບໍ່ວ່າໆ ເບິ່ງຈັ່ງແມ່ນເປັນຕາຫນ້າຮັກ,

ຝູງເປັດເທດນ້ອຍພວກນີ້ຕົນໂຕຂອງມັນໃຫຍ່ກວ່າໄຂ່ຫນ້ອຍຫນຶ່ງ, ຂົນຂອງ ພວກມັນເປັນສີເຫຼືອງອ່ອນເຫຼື້ອມຄືສີໄ​ຫມອ່ອນ ທີ່ຫາກໍ່ສາວອອກມາຈາກຝຶກຫຼອກ, ແຕ່ສິ່ງທີ່ງາມກວ່າຫມູ່ນັ້ນແມ່ນຫນ່ວຍຕາ ແລະ ສົບຂອງມັນ, ຫນ່ວຍຕາດໍາປີ້ໆທັງເຫຼື້ອມ ຄືສີນ້ໍານິນຍາມໃດກໍເຫຼື້ອມຍິບໆເລື່ອນໄປເລື່ອນມາຄືຈັ່ງມີນໍ້າ, ສົບນ້ອຍໆຄ້າຍຄືສີ ເຂົາກວາງ ອ່ອນໆ ມີແຂບສີເຫຼືອງອ່ອນໆງາມໆຕີງຍຸບຍິບ ບຸບຜິບ, ຕີນນ້ອຍໆທັງຄູ່ ບັງອ່ອນໆຍ່າງແປ້ງແປະ ແປ້ງແປະ ໄປມາຕາມຫຼັງແມ່ຂອງມັນ ທັງສົ່ງສຽງຮ້ອງຈິບໆ. ເມື່ອເວົ້າເຖິງແມ່ຂອງພວກມັນແລ້ວ ມີທ່າທີເຊີ້ຊ້າ ແຕ່ວ່າໃຈດີຍາມໃດມັນກໍແນມພຸ້ນ ແນມພີ້ ເພື່ອປ້ອງກັນບໍ່ໃຫ້ມີສິ່ງໃດເຂົ້າມາບຽດບຽນພວກລູກຂອງມັນ. ດົນໆມັນຈະ ເອີ້ນລູກຂອງ ມັນໃນເມື່ອມັນຊອກຫາອາຫານໄດ້ແລ້ວ ກໍເອົາມາສູ່ພວກລູກຂອງມັນກິນ. ເມື່ອໄດ້ຍິນສຽງແມ່ຮ້ອງພວກມັນກໍ່ພາກັນແລ່ນມາຫຸ້ມອ້ອມໂຕແມ່ຂອງພວກມັນ, ພາກັນຍາດກິນອາຫານທີ່ແມ່ຫາມາໄດ້, ບາງໂຕກໍແຫບເອົາຈາກສົບແມ່ຂອງມັນ, ບາງໂຕກໍຍາດດຶງເບື່ອກັນເບື້ອງລະສົ້ນ, ເບິ່ງໄປເບິ່ງມາແລ້ວກໍ່ເປັນຕາຫນ້າຮັກຫນ້າຊັງ, ທຸກໆເຊົ້າ ແລະແລງ ຫຼານກໍເອົາເຂົ້າປຽນ ຫຼື ຮໍາອ່ອນ ແລະ ຂຸດຂີ້ກະເດືອນມາຝຶກ ປົນກັນໃຫ້ພວກມັນກິນທຸກໆວັນບໍ່ໄດ້ຂາດ.

ຝູງເປັດເທດນ້ອຍຝູງນີ້ພວກມັນມີຄຸນປະໂຫຍດ ໃຫ້ແກ່ຄອບຄົວຂອງຫຼາກຫຼາຍ, ຫຼານຈະເອົາໃຈໃສ່ລ້ຽງເກືອມັນໃຫ້ໃຫຍ່, ທັງນີ້ກໍ່ເປັນການສ້າງເສດຖະກິດ ​ຄອບ​ຄົວໃຫ້ມີຢູ່ມີກິນຢ່າງພຽງພໍ ແລະ ກໍເພື່ອເປັນການຫຼຸດລາຍຈ່າຍຂອງຄອບຄົວຕື່ມອີກ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້