ພັນລະນາ ປຶ້ມແບບຮຽນຫົວຫນຶ່ງ

0
1109

ຍັງອີກອາທິດຫນຶ່ງກໍຈະເຖິງມື້ເປີດສົກຮຽນໃຫມ່ແລ້ວ ແມ່ຂອງຫລານກໍ່ໄດ້ຊື່ປຶ້ມແບບຮຽນ ມາໃຫ້ຫລານໃນນັ້ນມີປື້ມພາສາລາວ, ຄະນິດສາດ ແລະ ໂລກອ້ອມຕົວຊ່ຶງທີ່ຫຼານປະທັບໃຈກໍຄືປຶ້ມຄະນິດສາດນີ້ແຫລະ ເພາະມັນມີສີສັນງົດງາມຫລາຍ.

ຫລານຈັບປຶ້ມຄະນິດສາດຫົວນັ້ນແຍງໄປແຍງມາ ລວງກວ້າງຂອງມັນຄົງ ຈະປະມານ 20 ຊັງຕີແມັດ ແລະ ລວງຍາວ ກໍຈະປະມານ 25 ຊັງຕີແມັດ ຫລອງຂອງມັນແຂງ, ສີພື້ນເປັນສິສົ້ມ ສົ້ນເບື້ອງຊາຍລາບສາມສີຄືສີແດງ, ສີເຫຼືອງ ແລະ ສີຟ້າ, ສ່ວນທາງເບື້ອງເທິງຂອງປຶ້ມມີຕົວຫນັງສືຂຽນວ່າແບບຮຽນຄະນິດສາດປີຫ້າ ແລະ ຢູ່ສົ້ນເບື້ອງຂວາມີກາສັນຍາລັກຂອງ ສຶກສາທິການ ແລະ ກິລາ. ສ່ວນຢູ່ໃນວົງ ສີຂາວສີ່ຫຼ່ຽມນັ້ນມີຮູບເລຂາຄະນິດຕ່າງໆ, ເຊັ່ນວ່າຢູ່ແຖວເທິງຂອງຮູບແມ່ນຮູບບົ່ງບອກເຖິງການແບ່ງສ່ວນ, ທັດລົງມາແມ່ນຮູບແປ ແລະ ຮູບແທ້ຂອງຮູບກ້ອນຊາຍຫນ້າ. ເມື່ອຈັບແບງໄປແຍງມາແລ້ວຫຼານກໍ່ອົດບໍ່ໄດ້ທີ່ຈະເປີດເບີ່ງຂ້າງໃນຂອງມັນ ຫຼານຕ່ອຍໃຊ້ມືເປີດຫນ້າເຈ້ຍຂອງແຕ່ລະຫນ້າດ້ວຍມືເບົາໆ ປະກອບມີຫຼາຍບົດຫລາຍແບບ ທີ່ປະກອບມີເນື້ອແຕກຕ່າງກັນ, ຫຼານເປີດໄປເປີດມາກໍໄປຄິດພໍ້ເອົາຄໍາເວົ້າຂອງ ແມ່ວ່າ” ສະໄຫມຕອນທີ່ແມ່ເປັນນັກຮຽນປະຖົມ, ບໍ່ມີປຶ້ມແບບນີ້ ທີ່ຈະຮຽນເລີຍມີແຕ່ຄູຈົດໃສ່ກະດານໃຫ້ແລ້ວກ່າຍເອົາໃຜກ່າຍຊ້າກໍ່ຈະກໍ່ຢ້ານບໍ່ທັນຫມູ່“ສະນັ້ນມາຮອດປັດຈຸບັນ ນີ້ມີຄວາມສະດວກສະບາຍຫຼາຍ ເປັນບ່ອນພັກລັດທີ່ເພິ່ນໄດ້ໃຫ້ຄວາມສໍາຄັນ ຂອງ ການສຶກສາສູງກວ່າຫມູ່ໃນຖັນແຖວຂອງວຽກງານອື່ນໆ. ຫຼານກໍ່ມີຄວາມພາກພູມໃຈ ເປັນທີ່ສຸດ ທີ່ໄດ້ເກີດມາໃນຍຸກສະໄຫມຂອງສັງຄົມທີ່ມີການພັດທະນາ ແລະ ມີເທັກໂນໂລຍີສູງ.

ປື້ມຫົວນີ້ມັນຄົງຈະໃຫ້ປະໂຫຍດແກ່ຫລານຫຼາຍ, ຫຼານຈະຖະຫນອມກັນ ໃຫ້ດີເພື່ອບໍ່ໃຫ້ມັນຈີກຂາດ, ໃຫ້ມັນຢູ່ຄູ່ກັບຫຼານຈົນສິ້ນປີຮຽນ ແລະ ກໍ່ຈະຖະຫນອມ ໃຫ້ນ້ອງນຸ່ງຂອງຕົນໄດ້ຮ່ຳໄດ້ຮຽນຕໍ່ໄປ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້