ພັນລະນາ ໂຮງຮຽນຂອງຂ້ອຍ

0
89

– ຫຼານເປັນນັກຂຽນຊັ້ນປ 5 ຂອງໂຮງຮຽນປະຖົມຊີນຮວາ ເຊິ່ງເປັນໂຮງຮຽນທີ່ໃຫຍ່ ແລະ ສະອາດງາມຕາແມ່ນໃຜກໍປາຖະຫນາຢາກເຂົ້າໂຮງຮຽນແຫ່ງນີ້ແທ້ໆ.

– ໂຮງຮຽນຊິນຮວາ ແມ່ນໂຮງຮຽນພາກສ່ວນຂອງເອກະຊົນທີ່ຂຶ້ນກັບສະມາຄົມຈີນແຂວງຫຼວງພະບາງເປັນຜູ້ເບິ່ງແຍງ ແລະ ຄຸ້ມຄອງ, ໂຮງຮຽນແຫ່ງນີ້ສ້າງຕັ້ງ ຂື້ນໃນປີ 1946 ເຊິ່ງຕັ້ງຢູ່ເຂດບ້ານວຽງໄຊ ໃກ້ກັບໂຮງຫມໍແຂວງຫຼວງພະບາງເກົ່າ – (ໂຮງແຮມຄາມານຕາກ). ໂຮງຮຽນແຫ່ງນີ້ປະກອບມີ 6 ອາຄານຮຽນ ຫ້ອງຮຽນມີ 18 ຫ້ອງ, ຫ້ອງການຫນຶ່ງຫ້ອງ, ສະເລ່ຍແລ້ວປີນີ້ມີນັກຮຽນປະມານຫົກຮ້ອຍກວ່າຄົນ ເກືອບເວົ້າໄດ້ວ່າເປັນໂຮງຮຽນທີ່ມີນັກຮຽນຫຼາຍກວ່າຫມູ່ ໃນໂຮງຮຽນຂັ້ນປະຖົມທົ່ວນະຄອນ ຫຼວງພະບາງກໍວ່າໄດ້, ມີຄູສອນປະມານຊາວກວ່າຄົນ, ບໍລິເວນອາຄານຮຽນ ຍັງມີຮົ້ວອ້ອມທີ່ກໍ່ດ້ວຍດິນບັອກ ແລະ ດິນຈີ່ປ່າງຫນາແຫນ້ນ, ມີເດີ່ນຫຼິ້ນກິລາສະດວກ ສະບາຍ, ນອກຈາກມີອາຄານຮຽນຂອງຊັ້ນປະຖົມແລ້ວ ເພິ່ນຍັງໄດ້ມີອາຄານອີກສອງຫຼັງເພື່ອເປັນອາຄານຫ້ອງຮຽນພາສາຈີນໂດຍກົງ, ໂຮງຮຽນຊິນຮວາ ເປັນໂຮງຮຽນຫນຶ່ງ ທີ່ໄດ້ສ້າງນັກຮຽນໃຫ້ເປັນນັກຮຽນດີຮຽນເກັ່ງໃນລະດັບປະເທດມາແລ້ວ ແລະ ນັກ ຮຽນທີ່ຮຽນຈົບຈາກໂຮງຮຽນແຫ່ງນີ້ໄປກໍ່ຍັງໄດ້ປະກອບອາຊີບທີ່ດີມີຖານະກັນ ຫຼາຍ, ສົມກັບຄໍາຂວັນຂອງໂຮງຮຽນທີ່ເພີ່ນໄດ້ເວົ້າວ່າ: ” ສ້າງບຸກຄະລາກອນບອດ ເດັ່ນເພື່ອຊາດຮຸ່ງເຮືອງສີວິໄລ”, ນອກຈາກເປັນໂຮງຮຽນທີ່ມີຊື່ສຽງແລ້ວ ດູ-ອາຈານ ຍັງເປັນຄູທີ່ຮັກອາຊີບແພງເດັກສອນດີຮຽນເກັ່ງອີກດ້ວຍ,

– ສົມແລ້ວທີ່ເປັນໂຮງຮຽນດີເດັ່ນ, ສະ ນັ້ນ, ຫຼານເອງໃນນາມເປັນນັກຮຽນ ແຫ່ງນີ້ຈະຕັ້ງໃຈຝຶກຝົນຫຼໍ່ຫຼອມຕົນເອງໃຫ້ເປັນນັກຮຽນດີຮຽນເກັ່ງ ແລະ ຈະຂໍຮັກ, ຖະຫນອມສິ່ງຂອງເຄື່ອງໃຊ້ຕ່າງໆຂອງໂຮງຮຽນແຫ່ງນີ້ໄວ້ໃຫ້ນັກຮຽນຮຸ່ນນ້ອງໄດ້ສືບ ແລະ ໄດ້ໃຊ້ຕໍ່ໆໄປ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້