ພັນລະນາ ສໍດໍາເສັ້ນຫນຶ່ງ

0
128

ເຂົ້າສົກຮຽນໃຫມ່ມາກໍໄດ້ຫລາຍວັນແລ້ວ, ແຕ່ຫລານຍັງບໍ່ທັນມີສໍດຳເທື່ອ, ເມື່ອຄູໃຫ້ເເຕ້ມຮູບຫລານໃຈບໍ່ດີເລີຍທີ່ບໍ່ມີສີແຕ້ມ ມື້ລຸນ ມາແມ່ຂອງຫລານໄປຕະຫລາດ, ຫລານກໍ່ໄດ້ສັ່ງເພິ່ນຊື້ສໍດຳມາໃຫ້.

ຕອນທ່ຽງຂອງມື້ນັ້ນຫລານກໍເລີຍໄດ້ມີສໍດຳງາມເສັ້ນຫນຶ່ງນນຳຫມູ່, ສໍດໍາເສັ້ນນີ້ ລວງຍາວຂອງມັນປະມານຄືບຫນຶ່ງ, ສົ້ນຂອງມັນມີຢາງລຶບສີຂາວຕິດຢູ່ໃນຂອບອາລູມີພົມສີທອງ, ຮູບຮ່າງເປັນຫລ່ຽມທາສີ ເຫລືອງແກມຟ້າ ເຊິ່ງມີຕົວເລກ 777 ແລະ ຕົວຫນັງສືສາກົນເປັນສີເຫລືອງເຫລື້ອມ, ເບີ່ງແລ້ວຈັ່ງແມ່ນງາມຕາແທ້ໆ, ເມື່ອຫລານປິ່ນອີກສົ້ນຫນຶ່ງມາເບິ່ງກໍເຫັນໄສ້ສິດໍາປີ້ໆຢູ່ໃນໃຈກາງຂອງເສັ້ນສໍ, ຫລານ ຈັບແຍງໄປແຍງມາຫລາຍເທື່ອ ກໍຮູ້ສຶກມີກິ່ນຫອມຂອງໄມ້ທີ່ຍັງບໍ່ທັນຈາງ

ຫາຍ ຫລານເອົາມີດຄົມໆມາແຫລມມັນ ແລ້ວຄ່ອຍໆເນັ້ນປາຍມີດໃສ່ ເຫລັ້ມສໍດ້ວຍຄວາມລະມັດລະວັງ, ກີບໄມ້ທີ່ຖືກຄົມມີດກະເດັນອອກ, ໄສ້ສໍດໍາກໍພົ້ນອອກມາ. ກິ່ນຫອມຂອງມັນກຸ້ມຂຶ້ນໃສ່ດັງ ຫລານ ຈົນເຮັດໃຫ້ຫລານລະເມີເພີ້ຝັນໄປນໍາກິ່ນຂອງມັນ ຫລານ ແຫຼ່ມໃຫ້ມັນກ້ຽງໆ ແລະ ກໍແຫລມດີເບິ່ງແລ້ວເປັນຕາຢາກຂຽນແທ້ໆ,

ນັບແຕ່ນັ້ນມາສໍດໍາ ກໍກາຍເປັນເພື່ອນສະນິດສະຫນົມຂອງຫລານ, ເວລາຂີດຂຽນຫຼືແຕ້ມຮູບ ຫລານບໍ່ກັງວົນລໍຖ້າຢຶ້ມຫມູ່ແລ້ວ. ຫຼານຈະຮັກ ແລະ ຖະຫນອມມັນຈົນກ່ວາມັນຈະຫມົດໄປຈາກມືຂອງຫຼານ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້