ພັນລະນາ ແມ່ນ້ໍາລໍາເຊ

0
413

ປະເທດລາວເຮົາເປັນປະເທດທີ່ເຕັມໄປດ້ວຍຊັບພະຍາກອນທໍາມະຊາດ ເປັນຕົ້ນ ແມ່ນພູຜາປ່າດົງ ແລະ ແມ່ນ້ໍາລໍາເຊ. ແມ່ນ້ໍາລາເຊເປັນແມ່ນໍາທີ່ສາຄັນຫລາຍ ສາຍໄຫລຜ່ານປະເທດລາວ ໃນນັ້ນແມ່ນ້ໍາທີ່ສໍາຄັນແມ່ນແມ່ນໍ້າຂອງ

ແມ່ນ້ໍາຂອງເປັນແມ່ນ້ໍາທີ່ສໍາຄັນ ແລະ ໃຫຍ່ກວ່າຫມູ່ໃນປະເທດລາວຂອງ ພວກເຮົາ ແມ່ນ້ໍາຂອງປຽບເຫມືອນສາຍເລືອດຂອງປະຊາຊົນລາວທັງຊາດ ແມ່ນໍ້າສາຍ ນີ້ທາງພາກເຫນືອມີແກ້ງໃຫຍ່ຫຼາຍບ່ອນ ເຊິ່ງເປັນຄູປະສັກໃຫ້ແກ່ການຄົມມະນາຄົມ ຂົນສົ່ງ, ສ່ວນພາກກາງກ້ວາງ ແລະ ສະດວກໃນການເດີນເຮືອ, ພາກໃຕ້ລົງໄປຮອດ ຄອນພະເພັງ ແລະ ຫຼີ່ຜີ ພັດມີແກ້ງ ແລະ ມີເກາະດອນນ້ອຍ ແລະ ໃຫຍ່ຍິ່ງຢາຍກັນຢູ່ ເຊີ່ງໃນນັ້ນມີນ້ໍາຕົກຕາດຄອນພະເພັງທີ່ສວຍງາມ ມີຄວາມສູງປະມານ 15 ແມັດ ລຽບ ຕາມແຄມສອງຝັ່ງແມ່ນ້ໍາ ຍັງມີບ້ານເຮືອນປະຊາຊົນຢັ່ງຢາຍກັນໄປຕາມແຄມແມ່ນ້ໍາ ບວກກັບຄວາມສວຍງາມຂອງທໍາມະຊາດສອງຝັ່ງຢ່າງງາມຕາ, ເປັນຫນ້າສະອອນໃນ ການເດິນເຮືອທ່ຽວຊົມ, ນອກຈາກແມ່ນ້ໍາຂອງແລ້ວ ຍັງມີສາຂາທີ່ສາຄັນອີກຫຼາຍສາຍ ເຊັ່ນວ່າ: ນ້ໍາອູ, ນ້ໍາຄານ, ນ້ໍາງື່ມ, ນ້ໍາງຽບ, ເຊບັ້ງໄຟ, ເຊໂດນ, ເຊກອງ… ສາຍນ້ໍາເຫຼົ່ານີ້ມີ ຄຸນປະໂຫຍດແກ່ຕົນເຮົາຫຼາຍເພາະມັນເປັນແຫຼ່ງທໍາມາຫາກິນ ແລະ ສະຫນອງພະ ລັງ ງານໃຫ້ແກ່ໂຮງຈັກໂຮງງານ ໂດຍສະເພາະແມ່ນເຂື່ອນໄຟຟ້າຕ່າງໆເຊັ່ນ: ເຂື່ອນໄຟຟ້າ ນ້ໍາງື່ມແຂວງວຽງຈັນ, ເຂື່ອນໄຟຟ້ານ້ໍາເທີນຢູ່ແຂວງຄໍາມ່ວນ ແລະ ອານາຄົດ ເພິ່ນກໍຍັງ ຈະສ້າງອີກຫຼາຍໆແຫ່ງຢູ່ພາກເຫນືອ ແລະ ພາກໃຕ້ຂອງລາວເຮົາ ເພື່ອສ້າງຮັ່ງຄູນມີໃຫ້ ແກ່ປະເທດຊາດບ້ານເມືອງ.

ຍ້ອນແມ່ນ້ໍາລໍາເຊໄດ້ເອື້ອອໍານວຍຄວາມສະດວກ ໃຫ້ແກ່ປະຊາຊົນລາວ ທັງຊາດ ຢ່າງມະຫາສານ, ດັ່ງນັ້ນ, ພວກເຮົາເປັນອານູຊົນ ແລະ ເບົາວະຊົນຄວນປົກປັກ ຮັກສາ ແຫຼ່ງນ້ໍາໄວ້ໃຫ້ສະອາດສົດໃສໄຫຼເປັນ ເປັນປະໂຫຍດໃຫ້ແກ່ປວງຊົນລາວໄດ້ ນໍາໃຊ້ເຂົ້າໃນການຜະລິດສືບຕໍ່ໆໄປ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້