ຊາຍໃຈກ້າ ຖືກງູກັດ ແລ່ນຈັບງູທັນ ງູ ແລະ ຊາຍ ໄດ້ເຂົ້າຫ້ອງໝໍທັງ 2 ພ້ອມກັນ

0
26865

ເລື່ອງນີ້ແມ່ນຄວາມຈິງໄດ້ເກີດຂື້ນທີ່ແຂວງເຕີຍນິງ ປະເທດຫວຽດນາມ (ພາກໃຕ້). ຕາມເຂົາໄດ້ລະບຸວ່າຊາຍຄົນນີ່ເຂົ້າໄປໃນປ່າແລ້ວຖືກງູກັດລາວໄດ້ຮີບຮ້ອນແລ່ນກັບບ້ານແລ້ວເອີ້ນລົດເທັກຊີ່ໄປສົ່ງຢູ່ໂຮງຫມໍພ້ອມກັບງູທີ່ກັດເພື່ອໃຫ້ຫມໍ່ເບິ່ງຊະນິດງູເພື່ອຮັກສາຜິດໄດ້ທ່ວງທັນ. ຫູາຍຄົນແຕກຕື່ນເມື່ອເຫັນງູທີ່ລາວນຳມາ. ທ່ານຫມໍ່ໄດ້ຮັກສາເບື່ອງຕົ້ນແລະໄດ້ນຳສົ່ງຊາຍຄົນນີ້ໄປໂຮງຫມໍ່ໄຊງ່ອນທີ່ທັນສະໄຫມກ່ວາ

ຊ່ວງ​ນີ້​ຝົນ​ຕົກໃຫ້ທຸກຄົນຈົ່ງມີຄວາມລະມັດລະ​ວັງ​ໃນການໄປຫາກິນຕາມປ່າຂອງດົງ ສຳລັບ​ການ​ເບິ່ງ​ແຍງ​ຜູ້​ປ່ວຍ​ເມື່ອ​ຖືກ​ງູ​ກັດ​ນັ້ນ ພາຍ​ຫຼັງ​ຖືກ​ງູ​ພິດ​ກັດແລ້ວຄວນຮັກສາຕົນເອງ​ເບື້ອງ​ຕົ້ນ​ກ່ອນ​ໄປເຖິງ​ມື​ແພດ ໂດຍ​ບີບ​ເລືອດ​ບໍລິເວນ​ບາດແຜ​ອອກ​ເທົ່າ​ທີ່​ເຮັດ​ໄດ້ ເພື່ອ​ກຳຈັດ​ພິດ​ງູ​ອອກຈາກ​ຮ່າງກາຍ ລ້າງ​ແຜ​ດ້ວຍ​ນ້ຳ​ສະ​ອາດ.

ຈາກ​ນັ້ນ​ໃຊ້​ຜ້າ​ສະ​ອາດ​ຊັບ​ໃຫ້​ແຫ້ງ ເຊັດ​ແຜ ແລະ​ ຮີບ​ນຳ​ສົ່ງ​ໂຮງ​ໝໍ​ໃຫ້​ໄວ​ທີ່ສຸດ ພະຍາຍາມ​ຢ່າ​ໃຫ້​ອະໄວຍະວະ​ທີ່​ຖືກ​ກັດ​ເຄື່ອນ​ໄຫວ ຫລື​ເຄື່ອນ​ໄຫວ​ໃຫ້​ນ້ອຍ​ທີ່ສຸດ ​ແລະ ຈ້ອງໃຫ້ບ່ອນງູກັດໃຫ້​ຢູ່ໃນ​ລະ​ດັບ​ຕ່ຳ​ກວ່າ​ຫົວ​ໃຈ ເພື່ອ​ຊະ​ລໍ​ການ​ຊຶມ​ ພິດ​ຂອງ​ງູ ຫາກ​ເປັນ​ໄປ​ໄດ້ ໃຫ້​ນຳ​ ຊາກສົບຂອງງູພິດເຂົ້າໄປຫາ ​ແພດ​ເບິ່ງ​ດ້ວຍ

ສຳລັບ ສິ່ງ​ທີ່​ບໍ່​ຄວນ​ເຮັດ​ໃນ​ການ​ຊ່ວຍ​ເຫລືອ​ຜູ້​ທີ່​ຖືກ​ງູ​ພິດ​ກັດ​ຄື

1. ຫ້າມ​ໃຊ້​ເຫຼົ້າ ຢາ​ສີ​ແຂ້ວ ຫລື​ສິ່ງ​ອື່ນ​ໆ ທາ​ແຜ ພອກ​ແຜ ຫຼື ທາ-ພອກຈຸດງູກັດເດັດຂາດ ເນື່ອງ​ຈາກ​ອາດຈະ​ເຮັດໃຫ້​ ຕິດ​ເຊື້ອໄດ້

2. ບໍ່​ຄວນ​ກີດ​ແຜ ຫລື ຜ່າຕັດ ເນື່ອງ​ຈາກ​ຈະ​ເຮັດໃຫ້​ພິດ​ງູກ​ະ​ຈາຍ​ເຂົ້າ​ສູ່​ຮ່າງກາຍ​ໄດ້​ໄວ​ຂຶ້ນ

3. ບໍ່​ຄວນ​ໃຊ້​ປາກ​ດູດ​ເລືອດ​ຈາກ​ແຜ​ງູ​ກັດ ເພາະ​ອາດ​ເກີດ​ອັນຕະລາຍ​ຮ້າຍແຮງ​ຕໍ່​ຜູ້​ດູດ​ໄດ້

4. ຫ້າມ​ໃຫ້​ຜູ້​ຖືກ​ງູ​ກັດ​ດື່ມ​ເຄື່ອງ​ດື່ມ​ແອນ​ກໍ​ຮໍ ເຄື່ອງ​ດື່ມ​ປະສົມ​ກາ​ເຟ​

5. ຫ້າມ​ຂັນ​ຊະ​ເນາະ​ ຫຼື ຫ້າມໃຊ້​ເຊືອກ, ຜ້າ ຫລື​ສາຍ​ຢາງ ຮັດ​ເໜືອ​ບາດແຜ ເພາະ​ອາດ​ເຮັດໃຫ້​ຊີ້ນ​ຕາຍ​ໄດ້

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້