ປະກາດ!..ສອບເສັງຄັດເລືອກລັດຖະກອນໃຫມ່ຂອງກະຊວງການເງິນ ປີ 2020

0
1529

ເຖິງ: ບັນດາທ່ານຜູ້ປົກຄອງຂອງຜູ້ທີ່ສະຫນັກສອບເສັງເຂົ້າເປັນລັດຖະກອນໃຫມ່ຂອງກະຊວງການເງິນ ປີ 2020.

ເລື່ອງ: ການສອບເສັງຄັດເລືອກລັດຖະກອນໃຫມ່ຂອງກະຊວງການເງິນ ປີ 2020 ຮອບທີ I ໃນສາຂາວິຊາໄອທີ ແລະ ການເງິນ-ການບັນຊີ,

– ອີງຕາມ ກົດຫມາຍວ່າດ້ວຍພະນັກງານ-ລັດຖະກອນ ສະບັບເລກທີ 74/ສພຊ, ລົງວັນທີ 10 ທ້ນວາ 2015;

– ອີງຕາມ ຂໍ້ຕົກລົງຂອງລັດຖະມົນຕີກະຊວງການເງິນວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມຈັດຕັ້ງແລະ ພະນັກງານ ສະບັບເລກທີ 5000/ກງ, ລົງວັນທີ 18 ທັນວາ 2010;

– ອີງຕາມ ຜົນຄະແນນສອບເສັງຄັດເລືອກລັດຖະກອນໃຫມ່ ປີ 2020 ຄັ້ງວັນທີ 15 ກໍລະກົດ 2020,

ກົມຈັດຕັ້ງ ແລະ ພະນັກງານ ຂໍຖືເປັນກຽດແຈ້ງມາຍັງທ່ານຜູ້ປົກຄອງຂອງຜູ້ທີ່ສະຫມັກສອບເສັງເຂົ້າເປັນລັດຖະ ກອນໃຫມ່ຂອງກະຊວງການເງິນ ແລະ ຂະແຫນງການເງິນຂັ້ນທ້ອງຖິ່ນ ປີ 2020 ໃນສາຂາວິຊາໄອທີ ແລະ ການເງິນ-ການ ບັນຊີ ທີ່ເຂົ້າຮ່ວມການສອບເສັງ ຄັ້ງວັນທີ 15 ກໍລະກົດ 2020 ຊຶ່ງຄະນະຮັບຜິດຊອບສອບເສັງລັດຖະກອນໃຫມ່ຂອງກະ ຊວງການເງິນ ປີ 2020 ຈະໄດ້ມີການສອບເສັງ ໃນຮອບທີ II ຄັ້ງວັນທີ 29 ສິງຫາ 2020 ສະເພາະຜູ້ທີ່ໄດ້ລະດັບຄາດ

ຫມາຍເພື່ອຄັດເລືອກບັນຈຸເຂົ້າເປັນລັດຖະກອນໃຫມ່ຂອງກະຊວງການເງິນ ປີ 2020. ສະນັ້ນ, ຖ້າຜູ້ປົກຄອງຂອງນັກສອບ ເສັງທ່ານໃດມີຄວາມສົນໃຈຢາກມາຕິດຕາມເບິ່ງການສອບເສັງແມ່ນໃຫ້ເຂົ້າມາຕິດຕາມເບິ່ງໄດ້ຢູ່ໃນສະຖານທີ່ສອບເສັງເລີ່ມ ແຕ່ເວລາ 8:00 ໂມງ ເປັນຕົ້ນໄປ ຊຶ່ງມີລາຍລະອຽດດັ່ງນີ້:

1. ສອບເສັງສາຂາວິຊາໄອທີແມ່ນສອບເສັງຢູ່ທີ່ຕຶກກົມສ່ວຍສາອາກອນກະຊວງການເງິນ (ຊັ້ນ 1);

2. ສອບເສັງເຂົ້າເປັນລັດຖະກອນໃຫມ່ຂອງແຂວງວຽງຈັນ, ບໍລິຄໍາໄຊ ແລະ ໄຊສົມບູນ ແມ່ນສອບເສັງຢູ່ສະຖາບັນເສດຖະກິດ-ການເງິນ (ນະຄອນຫຼວງວຽງຈັນ);

3. ສອບເສັງເຂົ້າເປັນລັດຖະກອນໃຫມ່ຂອງແຂວງຜົ້ງສາລີ, ອຸດົມໄຊ, ບໍ່ແກ້ວ, ຫຼວງນ້ໍາທາ, ໄຊຍະບູລີ, ຫຼວງພະບາງ, ຊຽງຂວາງ ແລະ ຫົວພັນ ແມ່ນສອບເສັງຢູ່ວິທະຍາໄລການເງິນພາກເຫນືອ (ແຂວງຫຼວງພະບາງ)

4. ສອບເສັງເຂົ້າເປັນລັດຖະກອນໃຫມ່ຂອງແຂວງສາລະວັນ, ເຊກອງ ແລະ ອັດຕະປື ແມ່ນສອບເສັງຢູ່ວິທະຍາໄລການເງິນພາກໃຕ້ (ແຂວງຈໍາປາສັກ).

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້