ແຊຣເກັບໄວ້ເລີຍ…!!! ວິທີກຽມບໍ່ປູນສຳລັບ ລ້ຽງກົບ ບໍ່ໃຫ້ຕາຍແລະບໍ່ໃຫ້ເປັນພະຍາດ ມີອັດຕາການລອດສູງ.

0
521

ມື້ນີ້ແອດມີຄວາມຮູ້ດີໆມາຝາກ ! ກ່ຽວກັບການກຽມລ້ຽງກົບໃນບໍ່ປູນ ເປັນການລ້ຽງທີ່ຄົນນິຍົມກັນຫຼາຍໃນປະຈຸບັນເພາະວ່າເບິ່ງແຍງຮັກສາງ່າຍ ເຮັດໃຫ້ກົບມີຄວາມສະເລີນເຕີບໃຫຍ່ໄດ້ດີ ແລະ

ຍັງສະດວກຕໍ່ຜູ້ລ້ຽງໃນການການເບິ່ງແຍງແລະຮັກສາ ໂດຍປູນທີ່ໂບກຈະມີຄວາມໜາເປັນພິເສດ ສ່ວນພື້ນບໍ່ທີ່ເກັບຂັງນ້ຳມີຄວາມສູງຈາກພື້ນດິນປະມານ 30 ຊມ ປູທັບດ້ວຍກະໂລ່ຍິ່ງດີ

ເພື່ອໃຫ້ງ່າຍຕໍ່ການເຮັດຄວາມສະອາດ ພື້ນຕ້ອງມີຄວາມອ່ຽງແລະມີທໍ່ລະບາຍນ້ຳຢູ່ບ່ອນທີ່ຕ່ຳສຸດຂອງບໍ່ລ້ຽງ ສ່ວນເບື່ອງເທິງຈະຕ້ອງເປີດກວ້າງໃຫ້ມີແສງແດດສ່ອງເຖິງຈະເປັນການດີ

ໄປເຂົ້າເລື່ອງກັນເລີຍ:ວິທີການກຽມບໍ່ປູນສຳລັບລ້ຽງກົບ ເພື່ອໃຫ້ກົບມີອັດຕາການລອດສູງບໍ່ຕາຍ  ສາມດກຳຈັດເຊື້ອລາຊຶ່ງເປັນສາເຫດຂອງພະຍາດກົບໄດ້ ໂດຍແບ່ງອອກເປັນ 2 ກໍລະນີຄື:

+ ກໍລະນີທີ່ 1 :ສຳລັບບໍ່ປູນທີ່ສ້າງໃໝ່ ໃຫ້ເຕີມນ້ຳຈັບເກືອບເຕັມບໍ່ລ້ຽງ ແລ້ວນຳຕົ້ນກ້ວຍ,ໃບຂີ້ເຫຼັກ ຫຼື ພືດທີ່ມີລົດຊາດຝາດ,ຂົມ,ສົ້ມ ລົງໄປແຊ່ໃນບໍ່ຢ່າງນ້ອຍ 7 ວັນ ເພື່ອຫຼຸດຄວາມເຄັມແລະຄວາມເປັນດ່າງຂອງນ້ຳໃນບໍ່ລ້ຽງ

+ ກໍລະນີທີ່ 2 :ສຳລັບບໍ່ປູນເກົ່າ ໃຫ້ຄັດຖຸຂີ້ໃຄນ້ຳແລະສິ່ງເປິເປື່ອນອອກໃຫ້ໝົດ ຕາກແດດປະໄວ້ຢ່າງນ້ອຍ 1 ວັນ ຫຼື ລ້າງເຮັດຄວາມສະອາດ ດ້ວຍດ່າງໝາກພີລາ ແຊ່ປະໄວ້ປະມານ 1-2 ຊົ່ວໂມງ

ຈາກນັ້ນລ້າງດ້ວຍນ້ຳສະອາດອອກໃຫ້ໝົດ ຕາກບໍ່ລ້ຽງໃຫ້ແຫ້ງກ່ອນປ່ອຍນ້ຳເຂົ້າໃນບໍ່ລ້ຽງໂດຍໃສ່ນ້ຳໃຫ້ເລິກປະມານ 5-7 ຊມ ປະໄວ້ 1 ອາທິດ ກ່ອນປ່ອຍກົບລົງລ້ຽງ

ພຽງເທົ່ານີ້ກໍ່ສາມາດຫຼຸດອັດຕາການຕາຍແລະເຊື້ອພະຍາດໄດ້ແລ້ວ ບໍ່ຈະບໍ່ມີຄວາມເຄັມຂອງປູນອີກຕໍ່ໄປ

ຂອບໃຈທີ່ມາ:rakbankerd

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້