ຊີ້ແຈງເຫດຜົນຂອງການຈູດທຳລາຍໄມ້ຂຽງ ຈຳນວນ 76 ບ້ອມ ທີ່ຍຶດໄວ້ຢູ່ປ່າ ເມືອງກາສີ ແຂວງວຽງຈັນ.

0
1018

ຈາກກະແສສັງຄົມໃຫ້ຄວາມສົນໃຈກ່ຽວກັບຂ່າວຍຶດ ແລະ ຈູດທຳລາຍໄມ້ຂຽງ ຢູ່ປ່າ ຂອງເມືອງກາສີ ຈຳນວນ 76 ບ້ອມ, ໄມ້ມີຄວາມກວ້າງ 30-35, ລວງຍາວ 30 ຊັງຕີແມັດ, ທີ່ໄດ້ໂພສລົງເພຈ໌ ໜັງສືພິມແຂວງ

ໃນຄັ້ງວັນທີ 30 ສິງຫາ 2021ນັ້ນ, ໄດ້ເຮັດໃຫ້ຫຼາຍຄົນເຂົ້າມາຄອມເມັ້ນໄປໃນລົບ ແລະ ຕັ້ງຄຳຖາມເຖິງສາເຫດການຈູດທຳລາຍໄມ້ຂຽງຈຳນວນດັ່ງກ່າວນັ້ນ, ເຊິ່ງສົ່ງຜົນກະທົບຕໍ່ການຈັດຕັ້ງພັກລັດເວົ້າລວມ ເວົ້າສະເພາະແມ່ນເມືອງກາສີ. ສະນັ້ນ, ຕໍ່ກັບເຫດການດັ່ງກ່າວ ໃນເວລາ 15:00ໂມງ ຂອງວັນທີ 31 ສິງຫາ 2021ນີ້.

ທ່ານ ບຸນທ່ຽງ ວິລະພົນ ກຳມະການພັກເມືອງ ຫົວໜ້າຫ້ອງການກະສິກຳ ແລະ ປ່າໄມ້ເມືອງກາສີ ຕາງໜ້າໃຫ້ຄະນະສະເພາະກິດຂອງເມືອງ  ໄດ້ອະທິບາຍຊີ້ແຈງເຖິງເຫດຜົນ ຂອງການຈູດທຳລາຍໄມ້ຂຽງ (ປະເພດໄມ້ກະດອມ) ຈຳນວນ 76 ບ້ອມ ໃນຄັ້ງວັນທີ 27 ສິງຫາ 2021 ທີ່ທາງຄະນະສະພາະກິດເມືອງໄດ້ຍຶດໄວ້ຢູ່ປ່າ ເຂດປ້ອມຍາມພູບວກຊ້າງ ບ້ານໜອງສານ ເມືອງກາສີ ແຂວງວຽງຈັນ, ເຊິ່ງທ່ານໄດ້ກ່າວວ່າ: ເຫດຜົນທີ່ຈຳເປັນຕ້ອງໄດ້ຈູດທຳໄມ້ກັບທີ່ແມ່ນຍ້ອນສາມເຫດຜົນຫຼັກຄື:

1. ໄມ້ດັ່ງກ່າວແມ່ນຢູ່ຫ່າງໄກ ເສັ້ນທາງເຂົ້າເຖິງມີຄວາມຫຍຸ້ງຍາກຫຼາຍ ຖ້າຈະທະລຸເສັ້ນທາງເຂົ້າຫາອາດຈະເປັນຊ່ອງວ່າງ ໃຫ້ແກ່ກຸ່ມຄົນທີ່ບໍ່ຫວັງດີເຂົ້າໄປລັກລອບຕັດໄມ້ຢູ່ເຂດດັ່ງກ່າວເພີ່ມອີກ.​

2. ຖ້າຈະນຳເອົາໄມ້ດັ່ງກ່າວມາເມືອງແມ່ນຈຳຕ້ອງໄດ້ໃຊ້ງົບປະມານຈຳນວນຫຼາຍເຊິ່ງໄລ່ລຽງແລ້ວບໍ່ຄຸ້ມຄ່າ.

3. ຖ້າຈະປະໃຫ້ມັນເປື່ອຍເນົ່າຢູ່ປ່າອາດເປັນຊ່ອງວ່າງໃຫ້ກຸ່ມຄົນບໍ່ຫວັງດີເຂົ້າໄປເຄື່ອນຍ້າຍໄມ້ຂຽງຈຳນວນດັ່ງກ່າວນຳເອົາໄປຂາຍ ເຊິ່ງຈະເປັນການສົ່ງເສີມໃຫ້ເຂົາເຈົ້າ ສືບຕໍ່ລັກລອບຕັດໄມ້ເພີ່ມອີກກໍ່ອາດເປັນໄປໄດ້.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້