ອີກແລ້ວ! ເປີດຈົນຮອດ 3 ໂມງເຊົ້າ

0
528

ໃຊ້ມາດຕະການຕໍ່ຜູ້ລະເມີດແຈ້ງການເລກທີ 20/ສພກ.ນວ

ເວລາ 00:45 ໂມງ ຂອງວັນທີ 14 ສິງຫາ 2021 ເຈົ້າໜ້າທີ່ຕຳຫຼວດທ່ອງທ່ຽວ ຫ້ອງສັນຕິບານສົມທົບແໜ້ນກັບກອງພັນເຄື່ອນທີ່ໄວ ປກສ ນວ ແລະ ປກສ ເມືອງຈັນທະບູລີ ກວດກາພົບຮ້ານອາຫານຮັດສະຕິກກຣຸບຟ (Rustic Croove) ຢູ່ເຂດບໍລິເວນຖະໜົນເສດຖາທິລາດ ບໍ່ປະຕິບັດຕາມແຈ້ງການເລກທີ 20/ສພກ.ນວ ລົງວັນທີ 03 ສິງຫາ 2021

ເຊີ່ງມີການໃຫ້ບໍລິການເຄື່ອງດື່ມທີ່ມີທາດເຫຼົ້າ; ເປີດໃຫ້ບໍລິການເກີນໂມງເວລາທີ່ກຳນົດແກ່ຍາວເວລາປິດບໍລິການບາງມື້ຮອດ 3-4 ໂມງເຊົ້າ) ແລະ ມີຄົນເຂົ້າໃຊ້ບໍລິການເປັນຈຳນວນຫຼາຍອັ່ງອໍແອອັດ ບໍ່ຮັກສາໄລຍະຫ່າງຕາມມາດຕະການປ້ອງກັນຄວບຄຸມການແຜ່ລະບາດພະຍາດໂຄວິດໃນເວລາກວດພົບເຫັນຜູ້ມາໃຊ້ບໍລິການ 43 ຄົນ.

ພັທ ອຸດອນ ຈັນທະວົງ ຮອງຫົວໜ້າຫ້ອງສັນຕິບານ ປກສ ນວໃຫ້ຮູ້ວ່າ: ຜ່ານການກວດກາຕົວຈິງຂອງເຈົ້າໜ້າທີ່ ແລະ ຈາກການເອົາຄຳໃຫ້ການເບື້ອງຕົ້ນເຫັນໄດ້ວ່າຮ້ານດັ່ງກ່າວແມ່ນລະເມີດແຈ້ງການຂອງຄະນະສະເພາະກິດ ນວ ສະບັບເລກທີ 20/ສພກ.ນວ ຕາມມາດຕະການຜ່ອນຜັນຂອງຄະນະສະເພາະກິດ ນະຄອນຫຼວງວຽງຈັນ

ຈື່ງຂໍທິດຊີ້ນຳຈາກກອງບັນຊາການ ປກສ ນວ ເຫັນດີແກ້ໄຂຄື: ຕໍ່ບຸກຄົນເຂົ້າໃຊ້ບໍລິການເຈົ້າໜ້າທີ່ໄດ້ສຶກສາອົບຮົມກ່າວເຕືອນເນາະນຳໃຫ້ກັບບ້ານພ້ອມທັງປັບໃໝຕາມແຈ້ງການໃນອັດຕາຕ່ຳສຸດ 500,000 ກີບ 43 ຄົນ ເປັນເງິນ 21,500,000 ກີບ, ຕໍ່ກັບເຈົ້າຂອງຮ້ານໄດ້ສຶກສາອົບຮົມກ່າວເຕືອນ ແລະ ນຳໃຊ້ມາດຕະການປັບໃໝໃນອັດຕາຕໍ່ສຸດ 5,000,000 ກີບ ລວມເປັນເງິນ 26,500,000 ກີບ ພ້ອມທັງບັນທຶກປະຫວັດໄວ້.

ກອງບັນຊາການ ປກສ ນວ ຮຽກຮ້ອງມາຍັງຜູ້ປະກອບການ, ຫົວໜ່ວຍທຸລະກິດທຸກພາກສ່ວນໃນໄລຍະຄວບຄຸມການແຜ່ລະບາດຂອງພະຍາດໂຄວິດ 19 ໃຫ້ພ້ອມກັນຈັດຕັ້ງປະຕິບັດຕາມຄຳສັ່ງ, ແຈ້ງການວາງອອກຢ່າງເຂັ້ມງວດ; ນອກຈາກນີ້ໃຫ້ພ້ອມກັນປະກອບສ່ວນພັນທະເຂົ້າໃນວຽກງານປ້ອງກັນຄວາມສະຫງົບ ຄວາມເປັນລະບຽບຮຽບຮ້ອຍຂອງສັງຄົມ ຖ້າພົບເຫັນໃຫ້ລາຍງານຜ່ານຊ່ອງທາງເບີວອດແອບ 02029988774 ແລະ ຊ່ອງທາງເຟັສ໌ບຸກປ້ອງກັນຄວາມສະຫງົບ ນະຄອນຫຼວງວຽງຈັນ.

ຊົມຄຼິບ

ທີ່ມາ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້