ສຳນັກງານຜູ້ຕາງຫນ້າຖາວອນແຫ່ງ ສປປລາວ ປະຈໍາອົງການ ສປຊ “ຕ້ອນຮັບ ຄຣິສຕີນາ

0
391

ສຳນັກງານຜູ້ຕາງຫນ້າຖາວອນແຫ່ງ ສປປລາວ ປະຈໍາອົງການ ສປຊ “ຕ້ອນຮັບ ຄຣິສຕີນາ ລາຊະສິມມາ ພາຍຫລັງສໍາເລັດການເຂົ້າຮ່ວມໃນເວທີປະກວດນາງງາມຈັກກະວານທີ່ ລັດຟໍລີດາ ສະຫະລັດ ອາເມລິກາ.”

(1). ໃນໂອກາດນີ້ ທ່ານເອກອັກຄະລັດຖະທູດ, ຜູ້ຕາງຫນ້າຖາວອນແຫ່ງ ສປປລາວ ປະຈຳອົງການ ສປຊ, ຕາງຫນ້າໃຫ້ບັນດານັກການທູດ ແລະ ພະນັກງານປະຈໍາສໍານັກງານ ໄດ້:

1. ສະແດງຄວາມຍິນດີ ແລະ ຊົມເຊີຍ ທີ່ ຄຣິສຕີນາ ໄດ້ເຮັດສຳເລັດຫນ້າທີ່ ທັງໄດ້ປະກອບສ່ວນໃນວຽກງານການທູດດ້ານວັດທະນະທໍາ ໂດຍຕາງຫນ້າໃຫ້ຊາວຫນຸ່ມລາວ ແລະ ແມ່ຍິງລາວ ໃນທົ່ວປະເທດ ມາເຜີຍແຜ່ວັດທະນະທໍາ ແລະ ຮີດຄອງປະເພນີ ອັນດີງາມຂອງຊາດລາວເຮົາ ໃນເວທີສາກົນໃນຄັ້ງນີ້,

2. ເປັນການປະກອບສ່ວນເຮັດໃຫ້ສາກົນຮູ້ຈັກ ແລະ ຊື່ນຊົມຍິນດີ ຕໍ່ຄວາມເປັນເອກະລັກຂອງຊາດລາວເຮົາຫລາຍຍິ່ງຂຶ້ນ;

(2). ຄຣິສຕີນາ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງຄົນລາວ ທີ່ປະຕິບັດຫນ້າທີ່ຢູ່ຕ່າງປະເທດ ລວມທັງຄົນເຊື້ອຊາດລາວເຮົາທີ່ດໍາລົງຊີວິດຢູ່ ສ. ອາເມລິກາ ພ້ອມທັງໄດ້ເລົ່າຄືນເຖິງ ປະສົບການບາງດ້ານ ແລະ ຄວາມປະທັບໃຈ ຈາກການເຂົ້າຮ່ວມໃນເວທີໂລກໃນຄັ້ງນີ້;

(3). ນອກຈາກນັ້ນ, ຄຣິສຕີນາ ຍັງມີໂອກາດໄດ້ຮັບຟັງ ແລະ ຮຽນຮູ້ກ່ຽວກັບບາງວຽກງານທີ່ພົ້ນເດັ່ນໃນຂອບອົງການ ສປຊ ລວມທັງ ບູລິມະສິດຂອງ ສປປລາວ ໃນການເຄື່ອນໄຫວຢູ່ເວທີສາກົນ ໃນຊຸມປີຕໍ່ຫນ້າ. ຄຣີສຕີນາ ມີຄວາມສົນໃຈເປັນພິເສດ ຕໍ່ວຽກງານຂອງອົງການ ສປຊ ເນື່ອງຈາກພໍ່ຂອງ ຄຣີສຕີນາ ໄດ້ຮ່ວມເຮັດວຽກນໍາອົງການ ເຄືອຂ່າຍ ສປຊ ປະຈໍາ ສປປລາວ ມາຫລາຍປີ ແລະ ຕົນເອງກໍໄດ້ເຮັດຫນ້າທີ່ ເປັນອາສາສະຫມັກໃນການເຜີຍແຜ່ວຽກງານຂອງອົງການ UNFPA ໃນລະດັບປະເທດ.

After her participation in Miss Universe pageant in Florida, Christina Lasasimma visited the Permanent Mission of the Lao PDR to the United Nations in New York and was warmly welcomed and congratulated by Lao

Ambassador and Permanent Representative on her successful representation in Miss Universe pageant, particularly by representing all Lao Youths and Women on the international stage and making important contribution to the promotion of the unique and fine Lao tradition, custom and culture globally.

After her brief visit to the United Nations Headquarters, Christina also learnt about the work of the United Nations as well as the Lao PDR’s priorities in the UN for the coming years. Christina personally has a keen interest in the work of the United Nations as her father has worked with UN Agencies in the Lao PDR for more than two decades and Christina herself has also been voluntarily advocating the work of UNFPA at national level.

ຂໍ້ມູນຈາກ: Permanent Mission of the Lao PDR to the United Nations 🇺🇳

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້