ນ້ອງ ແອ່ນຈີ້ ນາງສາວງາມ ປະຈຳປີ 2020 ພ້ອມທີມງານ ໄດ້ນຳເອົາເຄື່ອງໃຊ້ທີ່ຈຳເປັນ ມອບໃຫ້ນ້ອງໆ ທີ່ໂຮງຮຽນ ສຶກສາພິເສດ

0
252

ໃນວັນທີ 28 / 02 / 2021 ທີ່ຜ່ານມາ ນາງ ມະຍູລີ ຊູຕັນນຸວົງ ( ແອ່ນຈີ້ ) ມີສທີນລາວປະຈຳປີ 2020 ພ້ອມທີມງານຫລາຍກວ່າ 20 ຄົນ ໄດ້ເດີນທາງໄປທີ່ ໂຮງຮຽນ ສຶກສາພິເສດ ນະຄອນຫລວງວຽງຈັນ.           

  ພາຍໃຕ້ການນຳພາຂອງ ທ່ານ ນາງ ຈັນພອນມະນີ ສຸດຕະວົງ (ຕຸ່ນ ດີວາ) ປະທານໂຄງການ Miss teen laos ແລະ ທ່ານ ເທບມະຫາວິໄຊ ໄຊທິລາດ (ຕ້າເອແພດສ໌) ຜູ້ອຳນວຍການ ບໍລິສັດ ກ້າວຫນ້າ ອໍການາຍເຊີ.

 ການທີ່ໄປຢ້ຽມຢາມ ໂຮງຮຽນ ສຶກສາພິເສດ ນະຄອນຫລວງວຽງຈັນ ໃນເທື່ອນີ້ ແມ່ນເພື່ອນຳເອົາອຸປະກອນການຮຽນ ແລະ ເຄື່ອງໃຊ້ທີ່ຈຳເປັນ ນຳໄປມອບໃຫ້ນ້ອງໆ ທີ່ມີຄວາມບົກຜ່ອງ ທາງດ້ານສື່ສານຕ່າງໆເຊັ່ນ : ທາງຫູ, ຕາ , ປາກ ແລະ ທາງ ຄວາມນຶກຄິດ ( ສະຫມອງ ) ເຊິ່ງນ້ອງໆ ກໍໃຫ້ການຕ້ອນຮັບນ້ອງ ແອ່ນຈີ້ ດ້ວຍຄວາມອົບອຸ່ນ ແລະ ດີໃຈທີ່ສຸດ.

 ນອກນັ້ນນ້ອງ ແອ່ນຈີ້ ກໍນຳພານ້ອງໆ ເຮັດກິດຈະກຳຮ່ວມກັນ ບໍ່ວ່າຈະເປັນກິດຈະກຳ ຕໍ່ຈິກຊໍ, ແຕ້ມຮູບ, ລະບາຍສີ ແລະ ກິນເຂົ້າສາມັກຄີຮ່ວມກັນ.

ນອກຈາກການຕ້ອນຮັບ ທີ່ເຕັມໄປດ້ວຍຄວາມສຸກແລ້ວ ນ້ອງໆທາງໂຮງຮຽນ ສຶກສາພິເສດ ນະຄອນຫລວງວຽງຈັນ ກໍຍັງມີໂຊສຸດພິເສດ ມອບໃຫ້ ນ້ອງ ແອ່ນຈີ້ ແລະ ທີມງານທັງຫມົດທຸກຄົນ ໃນນັ້ນມີ :

 – ລາຍການໂຊຟ້ອນ 1 ບົດເພງ (ຈາກນ້ອງໆບົກຜ່ອງທາງການປາກເວົ້າ).

 – ໂຊຮ້ອງເພງ 2 ບົດເພງ (ຈາກນ້ອງໆບົົກຜ່ອງທາງສາຍຕາ).

 ເຊິ່ງມື້ນີ້ພວກເຮົາທີມງານ Miss teen laos ນຳເອົາພາບບັນຍາກາດ ມາຝາກທຸກຄົນ…

ພວກເຮົາໄດ້ຮັບລິຂະສິດໃຫ້ໂພສຈາກ: Bie Zugerstory

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້