ໂຈະການຮຽນຂອງຊັ້ນອະນຸບານ ແລະ ປະຖົມ ທົ່ວແຂວງ ຈົນຮອດ 1 ກຸມພາ 2021

0
484

ແຈ້ງການ ເລື່ອງ: ການເລື່ອນເວລາເຂົ້າຮຽນຂອງຊັ້ນອະນຸບານ ແລະ ປະຖົມ ທົ່ວແຂວງບໍ່ແກ້ວ. 22 ມັງກອນ 2021

– ອີງຕາມ ທິດຊີ້ນໍາຂອງ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງເຊື້ອພະຍາດໂຄວິດ-13 ຂັ້ນແຂວງ ໃນກອງປະຊຸມວັນທີ 22 ມັງກອນ 2021

– ອີງຕາມ ການຕົກລົງເຫັນດີເປັນເອກະພາບ ຂອງຄະນະພະແນກສຶກສາທິການ ແລະ ກິລາ ແຂວງບໍ່ແກ້ວ,ຫ້ອງການ ພະແນກສຶກສາທິການ ແລະ ກີລາແຂວງ ຂໍຖືເປັນກຽດແຈ້ງທິດຊີ້ນໍາຂອງຫົວຫນ້າພະແນກສຶກສາທິ ການ ແລະ ກິລາແຂວງ ມາຍັງທ່ານຊາບວ່າ

ເນື່ອງຈາກມີຂ່າວຄົນຈີນທີ່ຕິດເຊື້ອພະຍາດໂດວິດ-19 ລັກລອບເຂົ້າມາ ແຂວງບໍ່ແກ້ວ, ປັດຈຸບັນດະນະສະເພາະກິດຄວບຄຸມ ແລະ ແກ້ໄຂການແຜ່ລະບາດຂອງເຊື້ອພະຍາດໂຄວິຕ-19 ຂອງແຂວງ ພວມດໍາເນີນການກວດເຂັ້ມ ຕໍ່ກັບພາກສ່ວນທີ່ກ່ຽວຂ້ອງ,ສະນັ້ນ, ເພື່ອເປັນການປ້ອງການ ແລະ ຄວບຄຸມການລະບາດຂອງພະຍາດໂດວິດ-19 ບໍ່ໃຫ້ແຜ່ລະບາດເຂົ້າ ໃນໂຮງຮຽນ, ຂະແຫນງການສຶກສາ ແລະ ກິລາ ແລະ ແຂວງບໍ່ແກ້ວຂອງພວກເຮົາ.

ພະແນກສຶກສາທິການ ແລະ ກິລາແຂວງ ຈຶ່ງເຫັນດີເປັນເອກະພາບ ເລື່ອນເວລາການເຂົ້າຮຽນຂອງຊັ້ນລ້ຽງເດັກ, ອະນຸບານ ແລະ ຊັ້ນປະຖົມສຶກ ສາທົ່ວແຂວງ ນັບທັງພາກລັດ ແລະ ພາກເອກະຊົນ ໄປເຂົ້າຮຽນໃນວັນທີ 1 ກຸມພາ 2021 ພ້ອມກັບຊັ້ນມັດທະຍົມ ສຶກສາ.

ພ້ອມດຽວກັນນັ້ນ, ກຸ່ມອບໃຫ້ຄູ-ອາຈານ ແນະນໍານັກຮຽນ ທີ່ຢູ່ໃນຄວາມຮັບຜິດຊອບພາຍໃນໂຮງຮຽນ ຂອງຕົນ ໃຫ້ຮັກສາມາດຕະການໃນການປ້ອງກັນພະຍາດດັ່ງກ່າວຢ່າງເຂັ້ມງວດ ເປັນຕົ້ນແມ່ນ ການຮັກສາໄລຍະຫ່າງ ທາງສັງຄົມ, ໃສ່ຜ້າອັດປາກ-ອັດດັງທຸກຄັ້ງກ່ອນອອກຈາກເຮືອນ, ຫມັ່ນລ້າງມືໃສ່ສະບູ່ ຫຼື ເຈວລ້າງມື ໃຫ້ສະອາດ ແລະ ເປັນປະຈໍາ.

ຖ້າຫາກມີການປ່ຽນແປງໃນໄລຍະນີ້ ຈະແຈ້ງດົນພາຍຫຼັງ. ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຊ່ວຍແຈ້ງໄປຍັງບັນດາໂຮງຮຽນ ເພື່ອຈັດປະຕິບັດຢ່າງເຂັ້ມງວດ,

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້