ເປີດ​ຕົວ​ລົດໄຟ​ໂດຍສານ ຄວາມໄວສູງ​ 620 ກິໂລແມັດ​ຕໍ່ ຊົ່ວໂມງ​

0
242

ສຳນັກ​ຂ່າວ ຊິນ​ຮວາ​ຂອງ ຈີນ ລາຍ​ງານ​ວ່າ: ​ເມື່ອ​ບໍ່​ດົນ​ມາ​ນີ້ ຈີນ ​ເປີດ​ຕົວລົດໄຟ ໂດຍສານ ຄວາມໄວສູງ ດ້ວຍເຕັກໂນໂລຊີ ແມັກເລັຟ ເອຊທີເອສ ຮຸ່ນຕົ້ນແບບ ຊື່ງສາມາດແລ່ນ ດ້ວຍຄວາມໄວສູງເຖິງ 620 ກິໂລແມັດຕໍ່ຊົ່ວໂມງ ໂດຍມີ

ການພັດທະນາ ຮ່ວມກັນ ລະຫວ່າງ ທີມງານວິສາວະກອນ ວິທະຍາໄລ ເຊົາເວັສ ຈຽວຕົງ ແລະ 2 ບໍລິສັດ ການລົດໄຟຈີນ ຄື ໄຊນ່າເຣລເວຍ ກຣຸບ ແລະ ຊີອາຣອາຣຊີ ຄອບປໍເຣເຊີນ, ໂຄງການດັ່ງກ່າວ ໂດຍມີ ມູນຄ່າ 60 ລ້ານຢວນ ຊື່ງຖືກນຳມາເປີດຕົວ ແລະ ທົດລອງ ສະມັດຕະພາບ ຕໍ່ສາທາລະນະ ຢູ່ເມືອງເສີງຕູ ແຂວງ ເສສວນ ເມື່ອບໍ່ດົນມານີ້.ທ່ານເຕີງ ຊີກັງ ຮອງຜູ້ອຳນວຍການ ສູນວິໄຈລະບົບຂົນສົ່ງແມັກເລັຟ ຄວາມໄວສູງ ເປັນພິເສດ

ໃນທໍ່ຄວາມດັນຕ່ຳ ຂອງ ມະຫາວີທະຍາໄລເຊົາເວັສຈຽວຕົງ ກ່າວວ່າ ກ່ອນໜ້ານີ້ ລົດໄຟແມັກເລັຟ ເອຊທີເອສ ເປັນພຽງແຕ່ ເຄື່ອງຫລິ້ນ ຫ້ອງທົດລອງ ແຕ່ເວລານີ້ ສາມາດທົດລອງໃນສະຖານະການ ຄວາມເປັນຈິງໄດ້ແລ້ວ, ເຕັກໂນໂລຊີ ເອຊທີເອສ ມີຄວາມເໝາະສົມຫລາຍກວ່າ.

ສຳລັບຄອນເຊັບ ການຂົນສົ່ງ ຄວາມໄວສູງ ເປັນພິເສດໃນອະນາຄົດ ໂດຍຜ່ານ ທໍ່ສູນຍາກາດ ຊື່ງລົດໄຟ ສາມາດແລ່ນ ດ້ວຍຄວາມໄວຫລາຍກວ່າ 1.000 ກິໂລແມັດຕໍ່ຊົ່ວໂມງ.​ ນອກຈາກນັ້ນ, ທີ​ມງານ​ວິ​ສາວະ​ກອນ ຫວັງ​ວ່າ ຈະ​ພັດທະນາ​ ໃຫ້​ລົດ​ໄຟ​ລຸ້ນນີ້ ສາມາດ​ແລ່ນ​ດ້ວຍ​ ຄວາມ​ໄວ​ສູງ​ສຸດ​ ເຖິງ 800 ກິ​ໂລ​ແມັດ​ຕໍ່​ຊົ່ວ​ໂມງ.

ປັດຈຸບັນ ຈີນ ກາຍ​ເປັນ​ຜູ້ນຳ​ໂລກ ​ໃນ​ການ​ກໍ່ສ້າງ ​ທາງ​ລົດ​ໄຟ​ ຄວາມ​ໄວ​ສູງ ​ເມື່ອທ້າຍ​ປີ 2020, ຈີນ​ມີ​ເຄືອຂ່າຍ​ ທາງ​ລົດ​ໄຟຄວາມໄວສູງ ລວມ​ມີ ໄລຍະ​ທາງ 37.900 ກິ​ໂລ​ແມັດ ເປັນເສັ້ນທາງຍາວ​ທີ່​ສຸດ​ໃນ​ໂລກ

ຂອບໃຈທີ່ມາ: ຂປລ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້