ດ່ວນ!.. ແຈ້ງຢຸດການຮຽນການສອນ 3 ມື້ ໃນນະຄອນຫຼວງວຽງຈັນ

0
262

ຫົວຫນ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງທ່ານ ຫົວຫນ້າຫ້ອງການສຶກສາທິການ ແລະ ກີລາ ເມືອງ ຈັນທະບູລີ, ສີໂຄດຕະບອງ, ສີສັດຕະນາກ, ໄຊເສດຖາ ແລະ ເມືອງ ໄຊທານີ ຮັບຊາບ ແລະ ພ້ອມກັນປະຕິບັດດັ່ງນີ້:

ຫ້ອງການສຶກສາທິການ ແລະ ກິລາ ເມືອງ ຈັນທະບລື, ສີໂຄດຕະບອງ, ສີສັດຕະນາກ, ໄຊເສດຖາ ແລະ ເມືອງໄຊທານີ ໃຫ້ແຈ້ງບັນດາໂຮງຮຽນລ້ຽງເດັກ-ອະນຸບານ, ປະຖົມ, ມັດທະຍົມຕອນຕົ້ນ, ຕອນປາຍ ທັງພາກລັດ ແລະ ເອກະຊົນ ໃນຂອບເຂດເມື່ອງຂອງທ່ານປ່ຽນເວລາຮຽນຊົ່ວຄາວ 3 ວັນ. ແຕ່ວັນທີ່ 13-15 ມັງກອນ 2021 ຕອນເຊົ້າໃຫ້ເລີ່ມຮຽນເວລາ: 9:00 ໂມງ, ຕອນແລງເລີກຮຽນເວລາ: 15:00 ໂມງ.

ສໍາລັບໂຮງຮຽນທີ່ຢູ່ໃນຂອບເຂດລຽບເສັ້ນທາງໄກສອນພົມວິຫານ ແຕ່ວົງວຽນດອນຫນູນ ຫາຫໍຄາແມ່ນໃຫ້ຄຸ – ອາຈານເອົາວຽກບ້ານ, ບົດຝຶກຫັດຕ່າງໆໃຫ້ນັກຮຽນຄົ້ນຄວ້າຢູ່ບ້ານໃນໄລຍະ 3 ວັນ, ແຕ່ວັນທີ 13-15 ມັງກອນ 2021 ຄື:

• ເມືອງ ຈັນທະບຸລີ: ໂຮງຮຽນ ມ.ສ ວຽງຈັນ, ມ.ສ ສິນໄຊ ແລະ ອະນຸບານດາລາ

ເມືອງ ໄຊເສດຖາ: ໂຮງຮຽນ ມ.ສ ຫນອງບອນ, ມ.ສ ຈັນສະຫວັນ, ມ.ສ ລາວ-ຫວຽດນາມ, ປະຖົມລາດຊະວົງ, ປະຖົມ ໂພນພະເນົງ, ມິດ ເສກກະສັດ 2

• ເມືອງ ໄຊທານີ: ໂຮງຮຽນ ມ.ສ ດອນຫນູນ, ມ.ສ ວັນໃຫມ່, ມ.ສ ມລິນີ, ມ.ສ SOS, ປະຖົມໄຊສົມພອນ, ປະຖົມ ສິດທິສອນ, ປະຖົມ ຣິດພິວ, ປະຖົມ ອ່ອດສະກ້າ, ປະຖົມ ໂລໂກ້ສິຄໍາ

ສໍາລັບໂຮງຮຽນຊັ້ນປະຖົມທີ່ກໍາລັງຈັດການສອບເສັງພາກຮຽນ I ແລະ ຊັ້ນມັດທະຍົມທີ່ກໍາລັງຄົ້ນຄວ້າ ກຽມສອບເສັງພາກຮຽນ I ແມ່ນໃຫ້ເລື່ອນໄປສອບເສັງ ແລະ ຄົ້ນຄວ້າໃນວັນເວລາອື່ນທົດແທນ ເພື່ອໃຫ້ການ ຮຽນ-ການສອນຄົບຖ້ວນຕາມໂຄງການຫຼັກສຸດ.

ດັ່ງນັ້ນ, ຈຶ່ງແຈ້ງມາຍັງທ່ານຫົວຫນ້າຫ້ອງການສຶກສາທິການ ແລະ ກິລາ ເມືອງ ເພື່ອແຈ້ງຕໍ່ໃຫ້ໂຮງຮຽນ ຕ່າງໆໃນຂອບເຂດຄວາມຮັບຜິດຊອບຂອງຕົນເພື່ອພ້ອມກັນຈັດຕັ້ງປະຕິບັດຕາມແຈ້ງການນີ້ ແລະ ໃຫ້ໄດ້ຮັບຜົນດີ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້