ແຂວງຫົວພັນແຈ້ງການໂຈະການຮຽນ-ການສອນຊົ່ວຄາວ ເນື່ອງຈາກອາກາດໜາວແຮງ

0
2335

ແຈ້ງການ: ເຖິງ: ບັນດາທ່ານ ຫົວຫນ້າຫ້ອງການສຶກສາທິການ ແລະ ກີລາເມືອງ 10 ເມືອງທົ່ວແຂວງ ແລະ ບັນດາໂຮງຮຽນສາມັນສຶກສາ ໃນທົ່ວແຂວງຫົວພັນ;ເລື່ອງ: ການພັກ ພາກຮຽນທີ I ສົກຮຽນ 2020 – 2021 ແລະ ການພັກຮຽນໄລຍະອາກາດທີ່ຫນາວເຢັນ;

ອີງຕາມສະພາບດິນຟ້າອາກາດທີ່ຍັງຈະສືບຕໍ່ຫນາວເຢັນຢູ່ໃນທົ່ວແຂວງແຂວງຫົວພັນ;

ອີງຕາມປະຕິທຶນການສຶກສາ ແລະ ການຄົ້ນຄວ້າເຫັນດີເປັນເອກະພາບຂອງຄະນະພະແນກສຶກສາທິການ ແລະ ກິລາແຂວງ ຄັ້ງ ວັນທີ 11 ມັງກອນ 2021

ພະແນກສຶກສາທິການ ແລະ ກິລາແຂວງຂໍແຈ້ງມາຍັງ ບັນດາທ່ານ ຫົວຫນ້າຫ້ອງການສຶກສາທິການ ແລະ ກິລາ ເມືອງ 10 ເມືອງ ແລະ ບັນດາໂຮງຮຽນ ສາມັ່ນສຶກສາ ໃນທົ່ວແຂວງຫົວພັນຊາບ ກ່ຽວກັບການຈັດຕັ້ງສອບເສັງພາກຮຽນ ທີ I ແລະ ການພັກຮຽນໄລຍະອາກາດທີ່ຫນາວເຢັນ ຢູ່ໃນແຂວງຫົວພັນດັ່ງນີ້:

1. ສໍາລັບໂຮງຮຽນ ລ້ຽງເດັກ ແລະ ອະນຸບານ ພາກລັດ ແລະ ເອກະຊົນ ແມ່ນໃຫ້ນັກຮຽນນັບແຕ່ວັນທີ 12 ມັງກອນ່ ເປັນຕົ້ນໄປຈົນຮອດ ວັນທີ 25 ມັງກອນ 2021 ແມ່ນເຂົ້າຮຽນພາກຮຽນທີ II; .

2. ສໍາລັບ ຊັ້ນປະຖົມ ແລະ ມັດທະຍົມ ແມ່ນໃຫ້ສືບຕໍ່ດໍາເນີນການສອບເສັງໂດຍບໍ່ໃຫ້ແກ່ຍາວ, ໃນນີ້ໂຮງຮຽນໃດທີ່ເສັງແລ້ວແມ່ນໃຫ້ພັກພາກຮຽນທີ I ເລີຍ, ( ວັນທີ 25 ມັງກອນ 2021 ແມ່ນເຂົ້າຮຽນພາກຮຽນທີ I );

3, ໃຫ້ຫ້ອງການສຶກສາທິການ ແລະ ກິລາເມືອງ ແຈ້ງໃຫ້ບັນດາໂຮງຮຽນພາຍໃນເມືອງຂອງຕົນຊາບຢ່າງທົ່ວເຖິງ ແລະ ຮີບດ່ວນ; ສະນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້