ພໍ່ຕູ້ໄວ 78ປີ ຫອບຄ່າດອງມາສູ່ຂໍແມ່ຕູ້ອະດີດຄົນຮັກເກົ່າ ຫຼັງຈາກກັນມາເກືອບ 60 ປີ

0
533

ມື້ນີ້ແອັດມີເລື່ອງລາວຄວາມຮັກມາສະເໜີທີ່ຈະມາສ້າງຮອຍຍິ້ມ ຂະນະດຽວກັນກໍ່ຊວນນໍ້າຕາຊືມໄປນໍາອີກໜຶ່ງເລື່ອງທີ່ເກີດຂຶ້ນ. ເລື່ອງບໍ່ໄດ້ແຕ່ງກັບແຟນສຸດທີ່ຮັກຍາມຫນຸ່ມແບບນີ້ຄົງຈະມີຢູ່ກັບຫລາຍຄູ່ບ່າວສາວໃນໂລກນີ້.​ ໂດຍທີ່ແອດກໍ່ມີເຊັ່ນກັນແຕ່ອາດຈະບໍ່ມີວັນທີ່ໄດ້ຕາມຝັນຫລືໂຊກດີຄືພໍ່ຕູ້ນີ້.

ເລື່ອງລາວທີ່ວ່ານີ້ເປັນເລື່ອງການສູ່ຂໍເຈົ້າສາວເພື່ອແຕ່ງງານທີ່ສຸດແສນຫວານ ແລະ ໂຣແມນຕິກຫຼາຍທີ່ສຸດອີກໜຶ່ງຄູ່ ຈົນເຮັດໃຫ້ຊາວເນັດພາກັນຄອມເມັ້ນຍິນດີແລະແຊຣ໌ອອກໄປເປັນຈໍານວນຫຼາຍ ໂດຍເຟສບຸກຊື່ ຄໍາ ນາຕະວັນ ໄດ້ນໍາພາບການແຕ່ງດອງຂອງຄູ່ບ່າວສາວຄູ່ໜຶ່ງພ້ອມເລົ່າເລື່ອງລາວວ່າ: ຮັກແທ້ມີຢູ່ຈິງ ໜຸ່ມໃຫຍ່ໄວ 78ປີ ຫອບຄ່າດອງ 200.000ບາດມາສູ່ຂໍຄົນຮັກເກົ່າ ຫຼັງລາຈາກພັດພາກກັນໄປດົນເຖິງ60ປີ ຂໍໃຫ້ມີຄວາມສຸກເດີ້ພໍ່ຕູ້ແມ່ຕູ້.

ທັ້ງນີ້ ຫຼັງຈາກພາບ ແລະ ເລື່ອງລາວດັ່ງກ່າວຖືກເຜີຍແຜ່ອອກໄປກໍ່ເຮັດໃຫ້ຊາວເນັດເຂົ້າມາຄອມເມັ້ນສະແດງຄວາມຍິນດີ ແລະ ອວຍພອນຄວາມຮັກຂອງສອງຕູ້ນີ້. ຖືໄດ້ວ່າເປັນເລື່ອງລາວດີໆອີກຢ່າງທີ່ເກີດຂຶ້ນໃນສັງຄົມ ພ້ອມສ້າງຮອຍຍິ້ມ ມອບຄວາມສຸກໃຫ້ກັບຜູ້ພົບເຫັນ.

ຂໍ້ມູນຈາກ: phurlenlen

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້