ສາທາເຕືອນ! ລະວັງໄພອັນຕະລາຍຈາກສິນຄ້າທີ່ໂຄສະນາເກີນຈີງ

0
540

ໃນຍຸກຂອງສື່ອອນລາຍສັງຄົມເປີດກວ້າງທຸກຄົນສາມາດເຮັດຫຍັງກໍ່ໄດ້ຈິ່ງບໍ່ແປກທີ່ຈະມີທຸລະກິດຫຼາກຫຼາຍຂຶ້ນມາ ເຊິ່ງມີທັງທຸລະກິດສີຂາວ, ສີເທົາ ແລະສີດຳ

ຕ່າງແຕ່ວ່າຜູ້ໂຄສະນານັ້ນຈະຊັກຊວນທ່ານໄປໃນທິດທາງໃດ ແລະສິນຄ້າໂຕໃດທີ່ຈະດີແທ້ສຳລັບຜູ້ຊົມໃຊ້ ດັ່ງນັ້ນ, ດ້ວຍຄວາມເປັນຫ່ວງກົມອາຫານ ແລະຢາຈິ່ງແຈ້ງເຕືອນໃຫ້ທຸກຄົນມີສະຕິໃນການຊົມໃຊ້ຜະລິດຕະພັນ.

ກົມອາຫານ ແລະ ຢາ ກະຊວງສາທາລະນະສຸກແຈ້ງໃຫ້ຮູ້ວ່າ: ຢາປົວພະຍາດ ແລະ ຜະລິດຕະພັນ ເສີມຄວາມງາມຕ່າງໆ ທີ່ໂຄສະນາສັບພະຄຸນ ແລະ ຄຸນນະພາບເກີນຄວາມຈິງ

ເມື່ອຊື້ມາໃຊ້ແລ້ວອາດຈະເສຍເງິນລ້າໆ ແລະ ອາດຈະສ່ຽງຕໍ່ຊີວິດ ຍ້ອນວ່າທຸກໆຜະລິດຕະພັນ ຖ້າບໍ່ໄດ້ ຮັບການຢັ້ງຢືນຈາກ ກົມອາຫານ ແລະ ຢາ ແມ່ນມີຄວາມສ່ຽງສູງ ແລະ ເປັນອັນຕະລາຍຕໍ່ສຸຂະພາບ.

ທ່ານ ດຣ. ບຸນຊູ ແກ້ວຫາວົງ ຮອງ ຫົວໜ້າກົມອາຫານ ແລະ ຢາ ກະຊວງ ສາທາລະນະສຸກ ໄດ້ກ່າວເມື່ອບໍ່ດົນມານີ້ວ່າ: ສັງຄົມປັດຈຸບັນສາມາດ ສັງເກດເຫັນ ໄດ້ຢ່າງຊັດເຈນ ກ່ຽວ ກັບການໂຄສະນາສັບພະຄຸນ ແລະ

ຄຸນນະພາບຂອງສິນຄ້າທີ່ເກີນຄວາມເປັນຈິງຢູ່ສື່ສັງຄົມອອນລາຍຕ່າງໆເຊັ່ນ: ຜະລິດຕະພັນດຽວສາມາດຮັກສາ ສຸຂະພາບໄດ້ດີ ແລະ ປີ່ນປົວພະຍາດໄດ້ ຫຼາຍໂລກ, ຮັບປະທານແລ້ວຈະບໍ່ມີພະຍາດ ແລະ ຜິວພັນກໍ່ດີເປັນຕົ້ນ.

ໃນນາມກົມອາຫານ ແລະ ຢາ ຢາກຝາກເຕືອນມາຍັງຜູ້ຊື້ ແລະ ຜູ້ບໍລິໂພກວ່າ ຜະລິດຕະພັນຢາຊະນິດໃດໜຶ່ງຖ້າບໍ່ໄດ້ຜ່ານການ ກວດກາ ແລະ ບໍ່ໄດ້ຮັບອະນຸຍາດຈາກ ກົມອາຫານ ແລະ ຢາ ແມ່ນຜະລິດຕະພັນນັ້ນບໍ່ເປັນໜ້າເຊື່ອຖື

ເພາະວ່າ ເວລານຳໄປບໍລິໂພກນອກຈາກ ຈະເຮັດໃຫ້ເສຍເງິນລ້າໆແລ້ວ ຮ້າຍແຮງໄປກວ່ານັ້ນສິນຄ້າບາງຢ່າງ ອາດສ່ຽງຮອດການເສຍຊີວິດ ໂດຍ ສະເພາະຜະລິດຕະພັນປະເພດອາຫານເສີມຕ່າງໆ.

Cr: Lao Youth Radio

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້