ໃກ້ສີ້ນປີແລ້ວ!..​ມາຂໍ​ຂະ​ມາ​ເຈົ້າ​ທີ່ ເພື່ອແກ້ຊວຍ, ເປີດ​ຮັບ​ໂຊກ​ລາບ ຕ້ອນ​ຮັບ​ປີ​ໃໝ່ ເຮັດ​ແລ້ວ​ຊີ​ວິດ​ດີ​ຂຶ້ນ​ທັນ​ຕາ​ເຫັນ

0
868

ຂໍຂະມາ ບູຊາເຈົ້າຖິ່ນເຈົ້າຖານອ້ອມເຂດເຮືອນ ເຮັດກ່ອນຫມົດປີ ເພື່ອຊ່ວຍໃຫ້ຊີວິດສະດວກສະບາຍ.ບູຊາເຈົ້າຖິ່ນເຈົ້າຖານຢູ່ເຂດອ້ອມເຮືອນ ນັ້ນມັນຈະຊ່ວຍໃຫ້ຄົນໃນເຮືອນມີຄວາມສຸກ,ມີໂຊກມີລາບ ແລະມີສິ່ງດີໆເຂົ້າມາໃນຄອບຄົວ.

ບາງຄົນອາດເຄີຍບູຊາ ແຕ່ສານພະພູມ ເຊິ່ງບໍ່ເຄີຍບູຊາເຈົ້າຖິ່ນເຈົ້າຖານ ໃຫ້ຟ້າວພາກັນເຮັດ.ເພາະວ່າມັນເປັນອັນລະພາກສ່ວນກັນ ບໍ່ຄວນບູຊາຮ່ວມກັບ ຄວນບູຊາແຍກອອກຕັ້ງຫາກ. ເຈົ້າຖິ່ນເຈົ້າຖານຈະຢູ່ໃນເຮືອນ ຫລືໃນອາຄານນັ້ນ, ເຊິ່ງຈະເປັນການປົກປ້ອງຄົນພາຍໃນເຮືອນ. ວິທີເຮັດນັ້ນຕ້ອງມີຫຍັງແດ່ ມາຕິດຕາມໄປນຳກັນເລີຍ.

ສິ່ງທີ່ຕ້ອງກະກຽມ

  1. ທຽນ 2 ດອກ
  2. ທູບ 5 ອັນ
  3. ນໍ້າຊາ 5 ແກ້ວ
  4. ດອກໄມ້(ດອກດາວເຮືອງ) 5 ດອກ
  5. ຜ້າສີຂາວບາງໆ 1 ຜືນ
  6. ເຮັດຄຳພູຄຽວຫມາກ 9 ຄຳ
  7. ຫມາກໄມ້ 9 ຢ່າງເຊັ່ນ: ໝາກກ້ຽງ, ໝາກກ້ວຍ, ໝາກອະງຸ່ນ, ໝາກນັດ, ຫມາກຂາມ, ໝາກສີດາ, ໝາກລີ້ນຈີ່, ຫມາກກະທັນ ແລະໝາກແອັບເປິ້ນເປັນຕົ້ນ

ຂັ້ນນຕອນຂອງການບູຊາເຈົ້າຖິ່ນເຈົ້າຖານຢູ່ພາຍໃນເຮືອນ

1. ຫາມື້ຫາຍາມທີ່ດີ, ຄວນເປັນວັນອັງຄານຫລືວັນເສົາເວລາ 12 ໂມງ 00 ຈະເປັນເວລາທີ່ ເໝາະສົມ ແລະເໝາະ ສົມກັບການບູຊາກ່ອນອື່ນຫມົດຕ້ອງເອົາຜ້າຂາວບາງໆທີ່ກຽມໄວ້ ມາປູພື້ນ ແລ້ວຄ່ອຍໆເອົາເຄື່ອງຖວາຍຕ່າງໆຍອງໃສ່ຜ້ານັ້ນ

2. ຕໍ່ໄປ, ໃຫ້ຈູດທູບ ທຽນ ແລະກ່າວຂໍຂະມາຕໍ່ເຈົ້າທີ່. “ໂອ້ພຣະຜູ້ເປັນເຈົ້າ, ເຈົ້າຂອງບ້ານ, ເຈົ້າຂອງເຮືອນ, ເລກເຮືອນ (ກ່າວວ່າຕົວເລກເຮືອນຕົວເອງ), ມື້ນີ້ແມ່ນມື້ສັນວັນດີ, ຂ້ອຍ (ຊື່ນາມສະກຸນ) ໄດ້ເອົາເຄື່ອງບູຊາ ມາຖວາຍເພື່ອ ຂໍອະໂຫສິກຳ ຖ້າວ່າມີຫຍັງ ທີ່ຂ້ອຍໄດ້ເຮັດຜິດໄປ ທັງທີ່ຕັ້ງ ແລະບໍ່ຕັ້ງໃຈ, ກະຂໍອະໂຫສິກຳ ແລະໃຫ້ອະໄພຂ້ອຍແດ່ເຖີ້, ແລະກໍ(ກ່າວ ຄຳອະທິຖານຂອງຕົວເອງ) ”

3. ຫລັງຈາກນັ້ນ, ຖ້າໃຫ້ທູບທຽນໝົດ. ແລ້ວກໍເກັບເຄື່ອງຂອງບູຊາ ກ່ອນຈະເກັບໃຫ້ກ່າວຄຳວ່າ ,“ ຂໍກິນຂໍທານນຳ, ຂໍໃຫ້ລູກໃຫ້ຫລານກິນ ເພື່ອມີຄວາມຈະເລີນຮຸ່ງເຮືອງ” ແລະທ່ານກໍສາມາດເອົາໝາກໄມ້ຊະນິດຕ່າງໆມາກິນໄດ້ເລີຍເຮັດເທົ່ານີ້ກໍ່ແມ່ນການບູຊາເຈົ້າຖິ່ນເຈົ້າຖານເຈົ້າເຮືອນແລ້ວ

ສຳລັບເວລາໃນການບູຊານັ້ນ ເອົາເປັນວ່າແລ້ວແຕ່ຄວາມສະດວກສະບາຍຂອງແຕ່ລະເຮືອນຊະ ບູຊາຕະຫລອດແຮງດີ ຫຼືຖ້າວ່າມັນບໍ່ສະດວກແທ້ໆ, ມັນຄວນຈະບູຊາປີລະເທື່ອ, ແຕ່ຖ້າມັນສະດວກແລະສະຖານະພາບການເງິນກະດີ, 3 ເດືອນທ່ານຈຶ່ງບູຊາເທື່ອຫນຶ່ງກະໄດ້ຫຼືຫຼາຍກວ່ານັ້ນ. ເຮັດຫລາຍໆເທື່ອ ມັນຈະຊ່ວຍໃຫ້ຄົນພາໃນເຮືອນມີຄວາມສຸກ ມີສິ່ງດີໆເຂົ້າມາໃນຄອບຄົວ.

* ຈາກບົດຂຽນທີ່ກ່າວມາຂ້າງເທິງ ແມ່ນຄວາມເຊື່ອສ່ວນບຸກຄົນທັງ ໝົດ ກະລຸນາໃຊ້ຄວາມຮອບຄອບເມື່ອອ່ານ

ອອກ​ຈາກການຕອບ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້